Zhaklin Lekatari komenton eksperiencën në BBV2 dhe banorët

Zhaklin Lektari, opinionistja e dytë e “Big Brother VIP” këtë edicion, krah Arbër Hajdarit. Deri tani ajo është përshtatur mjaft mirë me këtë poziocion të ri dhe publiku duket se e ka pëlqyer mjaft. Zhaklin ka qenë mëngjesine sotëm e ftuar në “Wake Up” për të na folur më shumë lidhur me eksperiencën e saj të re në “Big Brother VIP”, si dhe të ndajë me publikun mendimin e saj mbi banorët brenda shtëpisë.

Si po i sheh ajo banorët deri tani?

E kanë marrë me vrull. Kanë filluar me zjarr që javën e parë dhe unë mendoja se do ishte më qetë.

Më duken njerëz që e kanë të vështirë të bashkëjetojnë me njëri-tjetrin. Nuk ulen të hanë bashkë. Kjo është një mënyrë shumë e mirë për t’u afruar me njëri-tjetrin. Nuk dinë asgjë për të tjerët, asnjë informacion për aspektin e tyre personal.

Si kanë qenë komentet që ka marrë Zhaklina si opinioniste në “Big Brother VIP”?

Nuk kam marrë asnjë mesazh negativ. Kishte shumë unanimitet lidhur me pjesëmarrjen time në “Big Brother VIP” dhe sigurisht që jam e lumtur, dhe për mesazhin që unë jap. Kam një audiencë shumë të madhe. Vështirësia është tek menaxhimi i emocioneve. Dua të tregoj që opinonisti jep mendimin e tij, t’i tregoj banorëve për sjelljen e tyre dhe që ky program të emancipohej dhe të kishte mesazhe pozitive. Nuk është e pamundur.

Si e sheh ajo Oltën, duke qenë dhe një nga banoret me më shumë dinamikë brenda shtëpisë?

Mendoja që ishte një lojtare e fortë, por tani i është zbuluar strategjia, që e ngacmon secilin. Mendoja se lojtarët më të fortë ishin Olta, Genti, Luizi që i shihja si titanë. Por kanë ndryshuar dinamikat brenda shtëpisë nga java në javë. Oltën nuk e shoh aq të sigurtë sa e shihja javët e para.

Po lidhur me debatin e ndodhur mes Oltës dhe Gentit, çfarë mund të thotë Zhaklina?

Genti dhe Olta janë aktorë që njihen që jashtë, që mund të kenë çështje personale apo profesionale që mund t’i kenë zgjidhur apo jo. Mund të jetë dhe fakti që aktrojnë, që hiperbolizojnë çdo gjë. Edhe e zmadhojnë ndonjëherë sepse do bëjnë spektakël. 

Ng ana tjetër duket se kemi dhe Kiarën me Luizin që duken si një çift…

Për mendimin tim ata kanë një marrëdhënie, iu pëlqen apo nuk iu pëlqen atyre. Afeksion, njohje, simpati, tërheqje, sido që ta ketë emrin. Por duhet të vendosin kufij. Veprimi i Luizit ishte një mungesë respekti dhe duhet tëishte marrë leje, duhet të ndërhyjë Kiara dhe të thotë se ka vendosur kufij. 

Po lidhur me banorët e eliminuar deri tani?

Herioni më dukej sikur kishte frikë të bënte ndonjë gjë, apo të thoshte ndonjë gjë. Më dukej i pasigurtë, edhe kur zihej pendohej menjëherë. Edhe Zhaklina mendoj që doli sepse kishte hyrë me pishmanllëqe. Më vjen keq për Arianën sepse ajo e donte vërtet këtë eksperiencë. Ndoshta ajo nuk pati kohë që të lidhej me banorët e tjerë. 

A do ta shihte veten ajo si një banore brenda shtëpisë?

I kam thënë jo. Ajo është një sfidë shumë e madhe që do një angazhim të plotë, emocional, fizik. Për shkak të angazhimeve të mia, nuk mundesha momentalisht.

Si shkon Zhaklina me Arbër Hajdarin, opinonistin tjetër të “Big Brother VIP”?

Me Arbrin shkoj shumë mirë, më priti shumë mirë. Ne njiheshim edhe më parë sepse jemi takuar dhe jashtë në vente të tjera, por nuk ishim kaq të afërt. Më pëlqen që jemi ndryshe nga njëri-tjetri. Ndihem më e fuqizuar kur jam me të, sepse plotësojmë njëri-tjetrin.