Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pollo përballë Vlahutin në Komitetin e Stabilizim Asociimit: E di Brukseli siç duhet për kanabisin...?!

Politiko 12 Shkurt 2018, 19:17
Pollo përballë Vlahutin në Komitetin e Stabilizim Asociimit: E di

Ndërkohë që Komiteti i Stabilizim Asociimit Shqipëri-BE është duke u mbajtur në kryeqytet nën drejtimin e kryetares së delegacionit të PE, Monica Macovei, duket se deklaratat e Ambasadores së BE në Tiranë, Romana Vlahutin e kanë prekur deputetin e PD, Genc Pollo.

Duke e marrë fjalën në tryezë, Pollo e ka pyetur Vlahutin nëse Brukseli ishte informuar siç duhej për situatën e kanabisit në Shqipëri.

“Cili do të jetë vendimi në qershor për hapjen e negociatave ne nuk e dimë dhe shpresojmë të jetë pozitiv, por kam një pyetje për delagcionin e bashkimit Evropian edhe në vijim të pyetjeve që dëgjova më parë.

Në deklaratën e Stabilizim Asociimit të kryesuar nga zonja Mogherini për palën e Bashkimit Evropian të mbajtur në nëntor të vitit të kaluar flitet për rezultate pozitive të arritura në luftën kundër kultivimit të kanabisit dhe kjo më duket se bie në kundërshtim me raportin e Europolit publikuar tre javë më vonë, i cili vlerëson se Shqipëria mbetet burimi kryesor i kanabisit bimor të trafikuar në Bashkimin Evropian.

Po kështu janë negative raportet e vitit 2017 të Qendrës Evropiane të Monitorimit për drogën në Lisbon si dhe për zyrën e kombeve të bashkuara për drogën që janë në fakt kambana alarmi ç’ka publiku shqiptar e sheh mbi baza ditore dhe javore tone kanabisi të kapura nga policia italiane dhe greke.

Dhe ekspertët besojnë që mungesa e kultivimit dhe shkak i mbiprodhimit të vitit të kaluar.

E njëjta gjë në vjeshtën e 2016 në Këshillin e Stabilizim Asociimit apo në raportin vjetor të Komisionit Evropian ose nuk përmendet problem ose i referohen luftës të intensifikuar kundër tij në atë kohë të udhëhequr nga Saimir Tahiri.

Ndërkohë që po në atë vit raporti i strategjisë ndërkombëtare të kontrollit të narkotikëve, Departamenti Amerikan i shtetit për të thënë një shembull, flet për një rritje 5-fish të kultivimit të kanabisit, ndërsa në Shqipëri njerëzit shikonin gjithandej kanabizimin.

Duhet të mendojmë që ka pasur Brukseli informacionin e duhur dhe objektivin e plotë për këtë çështje”, ka përfunduar Pollo.

 

Të fundit