Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në botë

Politiko 11 Qershor 2020, 09:13

Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

Rusi: Vendi po numëron 8,000 deri 9,000 infeksione të reja çdo ditë; edhe kështu, kryebashkiaku i Moskës hoqi shumë kufizime të martën. Një arsye, thonë analistët, është të inkurajohet pjesëmarrja në një referendum më 1 korrik që mund të lejojë Presidentin Vladimir Putin të mbetet në pushtet deri në vitin 2036.

Indi: Në Nju Delhi, një sistem tashmë i mbingarkuar i kujdesit shëndetësor publik mund të arrijë pikën e thyerjes. Njerëzit nuk mund të testohen. Dhe zyrtarët qeveritarë, të dëshpëruar për shtretër spitalorë, propozuan kthimin e hoteleve më të mirë të qytetit në qendra shëndetësore.

Iran: Cendi, një epiqendër e hershme e pandemisë globale, u rihap në fillim të majit për të shpëtuar ekonominë. Tani po përballet me një rritje të dytë; ekspertët raportuan 3.574 infeksione të reja më 4 qershor, numri më i lartë i rasteve të reja që nga fillimi i krizës së koronavirusit.

E lidhur: Edhe në vendet që janë rihapur ngadalë si Italia, vështirësitë mbesin. Operatorët dhe organizatorët e tureve turistike, për shembull, po kërkojnë ndihmë pasi europianët nuk dëshirojnë të udhëtojnë.

Futbolli anglez: Kapitenët e klubeve kryesore të Anglisë i kanë thënë Premier League që lojtarët synojnë të demonstrojnë mbështetjen e tyre për lëvizjen Black Lives Matter kur loja të rifillojë javën e ardhshme. Liga, tradicionalisht, ka qëndruar larg gjesteve politike, por nuk pritet që të ndërhyjë këtë herë.

BLM: Gjatë dy javëve të kaluara, mbështetja e votuesve amerikanë për lëvizjen Black Lives Matter është rritur pothuajse aq sa në dy vitet e kaluara, sipas të dhënave nga një kompani sondazhesh online.

Trump: Presidenti ka hedhur poshtë idenë për të riemëruar bazat ushtarake të pagëzuara në nder të oficerëve të Konfederatës, duke u pozicionuar kundër lëvizjes për të hequr simbolet raciste.

Arktik: Një katastrofë mjedisore po shpaloset në Veriun e largët të Rusisë, ku një derdhje e madhe nafte po përhapet përmes një liqeni në Oqeanin Arktik. 150,000 fuçi nafte u derdhën në një lumë, dhe barrierat lundruese nuk e kanë penguar dot për të kërcënuar një rezervat natyror.

Suedi: Gjyqësori i vendit më në fund ka akuzuar një njeri i cili besohet se vrau Kryeministrin Olof Palme në një rrugë të qetë në Stokholm në vitin 1986. Një prokuror tha se "prova të arsyeshme" shenjonin Stig Engstrom, një projektues grafik, i cili I dha fund jetës në vitin 2000 në moshën 66 vjeç.

Brazil: Ndërsa vdekjet në vend nga shpërthimi i koronavirusit janë më të lartat në botë, Presidenti Jair Bolsonaro po kërcënon me ndërhyrje ushtarake për të mbajtur kontrollin e pushtetit. Udhëheqësit politikë dhe analistët thonë se veprimi ushtarak mbetet i pamundur; por edhe kështu përbën një mundësi për destabilizimin e institucioneve demokratike të vendit.

'Bashkë me erën': Shërbimi i transmetimit HBO Max e ka hequr filmin e vitit 1939 nga katalogu, duke u zotuar të risjellë të shoqëruar "me një diskutim mbi kontekstin e tij historik". I konsideruar gjatë si një triumf kinematik, filmi ka qenë nën vëzhgim për romantizimin e Jugut të epokës së Luftës Civile dhe anashkalimin e tmerreve të skllavërisë.

THELLË/ Erdogan dhe Trump formojnë lidhje të reja

Marrëdhëniet midis Presidentit Trump dhe Presidentit Rexhep Tajip Erdogan të Turqisë ishin në gjendjen më të keqe të kohëve të fundit 10 muaj më parë - duke shkuar drejt përplasjeve midis ushtrive të tyre përgjatë kufirit sirian-turk.

Por ndërsa koronavirusi kërcënon ekonominë dhe bën bashkë kundërshtarët e tyre, të dy udhëheqësit po gjejnë një kauzë të përbashkët - tani për tani. Të hënën, ata bënë shaka gjatë një telefonate, sipas burimeve turke.

"Për të qenë i sinqertë, pas bisedës sonë sonte, një epokë e re mund të fillojë midis Shteteve të Bashkuara dhe Turqisë," tha Erdogan më pas.

Detaje: Në muajt e fundit, Trump madje ka ndihmuar ndërhyrjet e Turqisë në Siri dhe Libi. Ai gjithashtu nuk vendosi sanksione ndaj Turqisë për blerjen e një sistemi raketash S-400 ruse, gjë që e ka ndihmuar Turqinë të qëndrojë më afër Perëndimit.