Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në botë

Politiko 17 Qershor 2020, 09:28

Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■Zelanda e Re regjistroi dy raste të reja me koronavirus te udhëtarët që ishin kthyer nga Britania, duke prishur një seri 24-ditëshe pa infeksione të reja.

■ Hong Kongu do të heqë disa kufizime në distancimin shoqëror të enjten, duke lejuar që sallat e dasmave dhe koncertet e muzikës live të rifillojnë.

■Punëtorët europianë të kujdesit shëndetësor, të përshëndetur me duartrokitje të përditshme nga ballkonet në Milano, Paris dhe Londër, po dalin në rrugë për të kërkuar përmirësime reale në kushtet e tyre të punës.

■Koreja e Veriut hodhi në erë të martën një zyrë ndërlidhëse ku zyrtarët e saj së fundmi kishin punuar së bashku me homologët e Koresë së Jugut, duke sinjalizuar në mënyrë efektive pakënaqësinë e Kim Jong-un me Jugun.

■Hungari: Legjislacioni për të hequr gjendjen e jashtëzakonshme që i lejoi Kryeministrit Viktor Orban të sundonte me dekret gjatë pandemisë, u pa nga disa si çimentim i efektshëm i autoritetit të tij të gjerë.

■Pekini e ngriti nivelin e alarmit shëndetësor të martën, duke mbyllur shkollat dhe duke u bërë thirrje njerëzve të punojnë nga shtëpia për të ndaluar një rritje të infeksioneve me koronavirus. Autoritetet konfirmuan 58 infeksione të reja, gjithsej 137 raste që nga java e kaluar

■Rastet me koronavirus u shtuan edhe në disa shtete amerikane që kishin hequr disa prej kufizimeve. Zyrtarët në Arizona, Florida dhe Teksas raportuan në secilin rast mbi 2,000 raste të reja të martën, rastet më të shumta një-ditore deri më sot.

■Në një shenjë shprese, shkencëtarët e Universitetit të Oksfordit thanë të martën se deksametazoni, një steroid jo i kushtueshëm, ul vdekjet në pacientët e sëmurë rëndë Covid-19.

■Italia dhe Gjermania aktivizuan aplikacionet për gjurmimin e të prekurve me Covid-19 këtë javë si mjete për të shmangur një valë të dytë të infeksioneve, duke nxitur një debat në lidhje me të drejtat e privatësisë.

THELLE

Përplasja e parë vdekjeprurëse Kinë-Indi në dekada

Të paktën 20 ushtarë indianë vdiqën, dhe dhjetëra dyshohen të kapur, në një përleshje me trupat kineze në Himalaje, duke ngritur menjëherë tensionet midis dy rivalëve me armë bërthamore.

Një zëdhënës indian tha të martën se tre ushtarë indianë u vranë gjatë luftimeve të hënën në mbrëmje, të cilat përfshinë gurë dhe shufra druri, dhe 17 të tjerë iu nënshtruan lëndimeve dhe të ftohtit në terrenin me lartësi të mëdha. Raportet paraprake treguan se ushtarët nuk ishin qëlluar me armë zjarri.

Mediat indiane të lajmeve njoftuan se kishte edhe ushtarët kinezë të vrarë, por kjo nuk u konfirmua nga Pekini.

Të dy vendet kishin punuar për të ulur tensionet kufitare pas disa përballjeve midis trupave të tyre përgjatë kufirit të diskutueshëm javët e fundit.

Konteksti: Dhuna është një vazhdim i një mosmarrëveshje të gjatë midis Indisë dhe Kinës në lidhje me vendndodhjen e saktë të kufirit të tyre në Himalaje, i njohur si Linja e Kontrollit Aktual. Ata luftuan për të në 1962, një luftë që përfundoi në një paqe të vështirë.