Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në botë

Politiko 29 Maj 2020, 10:58

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■I zemëruar nga lëvizjet e Twitter-it për ta kontrolluar, Presidenti Trump nënshkroi një urdhër ekzekutiv që synon median sociale, megjithëse është e paqartë nëse ai e ka autoritetin të rishikojë ligjin përkatës, të miratuar nga Kongresi në 1996. Urdhri kërkon heqjen e mbrojtjes në disa raste për kompani si Twitter, Google dhe Facebook, duke e bërë më të lehtë për njerëzit që t'i padisin për përmbajtjen.

■ Në një njoftim publik të pazakontë, Agjensia Kombëtare e Sigurisë e ShBA akuzoi hakerat e qeverisë ruse për shënjestrimin e serverave të postës elektronike në të gjithë botën. Masa erdhi pasi Gjermania tha se planifikonte të vendoste një ndalim udhëtimi dhe ngrirje të pasurive për kreun e inteligjencës ruse, në përgjigje të një sulmi kibernetik të 2015 në Parlamentin gjerman.

■Administrata Trump po bën gati shitjen e një tjetër arsenali municionesh në Arabinë Saudite, sipas ligjvënësve, një hap që do të anashkalonte Kongresin dhe do të injoronte kundërshtimet e ligjvënësve të të dy palëve në lidhje me të abuzimet e të drejtave të njeriut nga Riadi.

■Minesota: Guvernatori Tim Walz shpalli gjendjen e jashtëzakonshme në Minneapolis dhe aktivizoi Gardën Kombëtare për të ndihmuar në mbajtjen e paqes pas shpërthimit të protestave në përgjigje të vdekjes së një afro-amerikani në paraburgim.

■Koreja e Veriut: Vendi po përdor më shumë se 200 kompani off-shore për të pastruar 2.5 miliard dollarësh përmes bankave ndërkombëtare, sipas aktakuzës së Departamentit të Drejtësisë. Njëzetë e tetë koreanoveriorë dhe pesë shtetas kinezë u akuzuan në këtë skemë.

■Hungari: Një ligj i ri, i pari i këtij lloji në Europë, ndalon ndryshimin e gjinisë së një personi në dokumentet zyrtare pas lindjes. Kjo u pa si një goditje kundër të drejtave transgjinore dhe përplasja e fundit në një luftë të vazhdueshme kulturore.

■Hollandë: Kryeministri Mark Rutte tha se, në përputhje me politikat holandeze për koronavirusin, nuk e kishte vizituar nënën e tij 96-vjeçare në një azil pleqsh në javët para vdekjes së saj, një veprim që madje kritikët thanë se përputhet me personalitetin e tij të ftohtë dhe besimin e tij për të luajtur sipas rregullave.

■Futboll: Premier Liga angleze, më e shikuara në botë, do kthehet më 17 qershor në stadiume pa tifozë, në pritje të një konfirmimi nga autoritetet shëndetësore, pas një pezullimi pandemik dy-mujor. Seria A, e cila ndaloi së luajturi më 10 mars në Italinë e goditur nga pandemia, gjithashtu do të kthehet, më 20 qershor. Bundesliga e Gjermanisë u rikthye javën e kaluar.

■Maratona e Bostonit: Maratona më prestigjioze amerikane u anulua për herë të parë në historinë e saj 124-vjeçare. Në fillim ishte shtyrë nga 20 prilli për në 14 shtator.