Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në botë

Politiko 1 Qershor 2020, 08:51

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Shtetet e Bashkuara kanë dërguar në Brazil dy milion doza të ilaçit të malaries, hidroksiklorurinës, për përdorim në luftën kundër pandemisë koronavirus, pavarësisht mungesës së provave shkencore mbi efektivitetin e saj.

■ Në Nikaragua, një nga vendet e fundit që reziston ndaj masave të rrepta të bllokimit, ka shenja që virusi po del jashtë kontrollit, dhe familjet po vuajnë pasojat.

■ Teksa mbështetja për Presidentin Vladimir Putin bie, udhëheqësi i tij kryesor i opozitës, Aleksei Navalny, ka patur trefishim të audiencës së tij në YouTube gjatë krizës së koronavirusit. Nëse ai mund ta shfrytëzojë atë mbështetje kjo është e paqartë.

■ Me mbylljen e restoranteve të shtrenjta në Spanjë, çmimi i karkalecave të detit, zakonisht të shtrenjtë, ka rënë, duke lejuar një klientelë shumë më të gjerë që shijojë ‘frutin e detit’.

Ulja e SpaceX: Një kapsulë që mbante dy astronautë të NASA-s u ankorua në Stacionin Ndërkombëtar Hapësinor të dielën, më pak se një ditë pas një nisjeje që shënoi herën e parë që njerëzit kishin udhëtuar ndonjëherë në orbitë në një anije hapësinore të ndërtuar dhe operuar nga një kompani private.

G7 shtyhet: Presidenti Trump e shtyu një takim të Grupit prej 7 anëtarësh në ShBA për në shtator pasi kancelarja Angela Merkel e Gjermanisë tha që ajo nuk do të marrë pjesë personalisht pas shqetësimeve në lidhje me koronavirusin. Z. Trump tha se takimi do të diskutojë të ardhmen e Kinës.

Protesta në Hong Kong: Ndërsa Kina dhe ShBA përplasen për të ardhmen e Hong Kongut, bizneset globale gjenden në mes. Punonjësit përballen me presion për të mbështetur kandidatët pro-Pekinit në zgjedhjet lokale dhe për t’i bërë jehonë linjës zyrtare të qeverisë kineze.

Fëmijët e ISIS: Shumë shtete perëndimore që kanë nënshtetas që iu bashkuan me ISIS kanë këmbëngulur që ata nuk do të riatdhesojnë rreth 900 fëmijë të këtyre militantëve, duke i lënë ata në kampe plot me sëmundje në veri-lindje të Sirisë.

In memoriam: Christo, artisti konceptual me origjinë bullgare i cili u kthye kah veprat mjedisore në shkallë epike në fund të viteve 1960, vdiq të dielën në New York City në moshën 84 vjeçare.

Përpasja e dy krizave në ShBA

Qytete të ndryshme në të gjithë ShBA u dogjën të dielën pasi një dite kryesisht paqësore protestash të shtunën u kthyen në një natë kaosi dhe dhune.

Qindra njerëz u arrestuan ndërsa policia u përplas me demonstruesit të zemëruar për vrasjet e afrikano-amerikanëve. Videot treguan oficerët që përdorën shkopinj, gaz lotsjellës dhe plumba gome për protestuesit.

Protestat filluan pas vdekjes, një javë më parë të George Floyd, një i zi që ishte gozhduar në tokë nga një oficer policie i bardhë në Minneapolis.

Emocionet tashmë po e kalojnë edhe numrin e të infektuarve nga koronavirusi. ShBA ka numrin më të lartë të vdekjeve në botë - më shumë se 100,000 - dhe ka humbur dhjetëra miliona punë.

E para në dekada: Të paktën 75 qytete amerikane janë ndeshur me protesta ditët e fundit, dhe kryetarët e bashkive në më shumë se dy duzina kanë imponuar shtetrrethime. Që nga viti 1968, pas vrasjes së Martin Luther King Jr., nuk ka patur kaq shumë qeveritarë shtetërore që kanë nxjerrë urdhra të tilla përballë trazirave qytetare.

Ndërkombëtare: Protestuesit në Londër dhe Berlin treguan mbështetje për marshimet në ShBA.

Gazetarët nën zjarr: Një reportere televiziv në Louisville, Ky, u godit me gaz ndërsa transmetonte live nga një oficer që duket se po synonte pikërisht stë. "Jam duke u qëlluar! Jam duke u qëlluar!" u tha ajo shikuesve ndërsa ishte live.

Analizë: Ndërsa presidentët e tjerë do të kërkonin të qetësonin situatën në momente si ky, Presidenti Trump po i nxit tensionet, shkruan shefi i korrespodentëve të The New York Times në Shtëpinë e Bardhë. Ai ka kërcënuar me ndërhyrje ushtarake dhe tha se do ta përcaktonte grupin antifashist antifa, të cilin ai e fajëson për një pjesë të dhunës së protesta, si organizatë terroriste.