Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në botë

Politiko 5 Tetor 2020, 08:14

Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Papa Françesku kritikoi dështimet e bashkëpunimit global në reagimin kundrejt pandemisë dhe argumentoi se sistemet e dobësuara të kujdesit shëndetësor kishin kushtuar jetë midis të moshuarve.

■ Pavarësisht vlerësimeve rozë të sëmundjes së Presidentit Trump nga mjekët e tij, disa detaje kryesore mjekësore - përfshirë nivelet e tij të luhatshme të oksigjenit dhe një vendim për të filluar trajtimin me një ilaç steroid - u sugjeruan shumë ekspertëve të sëmundjeve infektive se ai po vuante nga një rast më i rëndë i Covid-19 sesa e pranuan mjekët.

■ Joe Biden: Ish zv.Presidenti ka rezultuar edhe një herë negativ për koronavirusin. Ai ka ndjekur publikisht udhëzimet e sigurisë, por ka mbajtur protokollet e tij shëndetësore kryesisht jo publike.

■ Kryebashkiaku i Neë York City po kërkon lejen e shtetit për të mbyllur një shumëllojshmëri biznesesh dhe shkollash në nëntë zona të qytetit ku testet tregojnë një normë pozitiviteti prej 3 përqind ose më shumë.

■ Arabia Saudite filloi heqjen e kufizimeve të koronavirusit në vendin më të shenjtë të Islamit në Mekë të dielën, ndërsa një numër adhuruesish kryente pelegrinazhin e umres për herë të parë që nga marsi.

■ Franca raportoi rreth 17,000 raste të reja të shtunën pasi një rritje e infeksioneve detyroi mbylljen e bareve dhe restoranteve në portin jugor të Marsejës.

■ Pothuajse saktësisht një vit pas një sulmi në një sinagogë në qytetin lindor të Halle, Gjermani, gjatë Yom Kippurit, një burrë me një lopatë plagosi rëndë një student hebre që dilte nga një sinagogë në Hamburg të dielën.

■ Shkurorëzimi i Britanisë me Bashkimin Europian hyri në një fazë të re gjatë fundjavës pasi Kryeministri Boris Johnson dhe presidenti i Komisionit Europian ranë dakord që të dy palët do të synonin që një zgjidhje përfundimtare të ndodhte deri më 31 Dhjetor.

■ Zemërimi i përbashkët i të ShBA dhe Indisë ndaj Pekinit ka rezultuar në lidhje më të forta diplomatike dhe ushtarake - megjithëse aktivistët e të drejtave të njeriut shqetësohen se SHBA do të injorojë abuzimet e Indisë kundër myslimanëve nën kryeministrin Narendra Modi.

■ Një vit pasi një kryengritje popullore rrëzoi autokratin 20-vjeçar Abdelaziz Bouteflika dhe e çoi ushtrinë drejt burgosjes së pjesës më të madhe të oligarkisë në pushtet, shpresat po zbehen për një rregullim të sistemit politik dhe demokracisë së vërtetë në Algjeri.