Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në botë

Politiko 6 Tetor 2020, 07:30
Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Tri net pasi mbërriti në Qendrën Kombëtare Mjekësore Ushtarake Walter Reed për shkak të një diagnoze Covid-19, Presidenti Trump u kthye të hënën në mbrëmje në Shtëpinë e Bardhë, ku do të vazhdojë të marrë trajtimin. Largimi i tij nga spitali - u transmetua drejtpërdrejt në tre rrjetet kryesore televizive të SHBA.

■ Komisioni Europian tha të hënën se 179 nga anëtarët e stafit kishin rezultuar pozitivë për Covid-19 që nga fillimi i pandemisë, me udhëheqësin e KE që vazhdonte në izolim pasi u ekspozua javën e kaluar.

■ Kompania britanike Cineworld, e cila zotëron Kinematë Regal në Shtetet e Bashkuara, tha se do të mbyllte përkohësisht të 663 kinematë e saj në Shtetet e Bashkuara dhe Britani. Rreth 45,000 vende pune janë në rrezik.

■ Afrika e Jugut do të fillojë të lejojë një numër turistësh ndërkombëtarë të hyjnë në vend të enjten, për herë të parë që kur një bllokim kombëtar hyri në fuqi në mars.

■ Qytetet spanjolle León dhe Palencia janë urdhëruar të zbatojnë kufizime mbylljeje të ngjashme me ato që ekzistojnë tani në Madrid.

■ Baret dhe shumë kafene në Paris do të mbyllen për dy javë duke filluar të martën, ndërsa Franca përpiqet të ndalojë një rritje të rasteve të koronavirusit në kryeqytet.

■ Dy gjykatës të Gjykatës së Lartë sugjeruan që gjykata të rishikojë çështjen e vitit 2015 që legalizoi martesat e të njëjtit seks në të gjithë ShBA, duke thënë se vendimi kishte penguar lirinë fetare. Dy nga pesë gjyqtarët nga shumica në atë rast nuk janë më në gjykatë.

■ Tridhjetë e tetë statuja të mëdha të Atlasit, të gjitha tani të shkatërruara, dikur dekoronin tempullin e lashtë grek të Zeusit Olimpas. Arkeologët kanë një plan të ri për mbetjet - të rikompozojnë pjesë-pjesë kolonat e tempullit për të rivendosur një pjesë të shkëlqimit të tij origjinal.

■ Çmimi Nobel: Çmimi i këtij viti në Mjekësi iu dha tre shkencëtarëve - dy amerikanëve dhe një britaniku - për zbulimin e virusit të hepatitit C- Harvey Alter, Michael Houghton dhe Charles Rice.

Të fundit