Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në botë

Politiko 7 Tetor 2020, 08:09

Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected].

■ Administrata e Ushqimit dhe Barnave lëshoi udhëzime të azhornuara dhe të rrepta për zhvilluesit e vaksinave të koronavirusit, duke e bërë shumë të vështirë që një vaksinë të mund të autorizohet deri ditën e zgjedhjeve.

■ Në ditën më të keqe të sondazheve - dhe vetëm një ditë pas daljes nga spitali - Presidenti Trump njoftoi një fund të menjëhershëm të bisedimeve me Kongresin për një paketë stimuluese ekonomike, duke e dërguar në pikiatë bursën e Wall Street.

■ Katër zyrtarë të tjerë të administratës Trump kanë rezultuar pozitiv, përfshirë Stephen Miller, një këshilltar kryesor. Udhëheqësit më të lartë ushtarakë gjithashtu kanë shkuar në karantinë, kryesisht në shtëpitë e tyre, pasi një zyrtar i lartë i Rojës Bregdetare doli pozitiv pas një pritjeje në Shtëpinë e Bardhë me Trump 10 ditë më parë, ku njerëzit rrinin afër dhe pa maska.

■ Nënpresidenti Mike Pence dhe Senatorja Kamala Harris do të përballen sonte në një debat në Salt Lake City. Kandidatët do të ulen 12 metra larg, përpara një publiku që mban maska të detyrueshme. Pence kundërshtoi përdorimin e pleksiglasit për ndarjen e kandidatëve, duke pretenduar se ishin të panevojshëm.

■ Europianët që përjetojnë valët e dyta të krizës së koronavirusit po ndiejnë "lodhje pandemike", tha Organizata Botërore e Shëndetësisë. Por kjo i bën ata më pak të gatshëm t'u përmbahen kufizimeve.

■ Qeveria e Italisë po shqyrton bërjen e maskave të fytyrës të detyrueshme në të gjithë vendin për të frenuar një rritje të qëndrueshme të rasteve të koronavirusit gjatë nëntë javëve të fundit.

■ Një zyrtar i Organizatës Botërore të Shëndetësisë tha se rreth 10 përqind e popullsisë së botës, ose rreth 760 milion njerëz, mund të kenë kontraktuar tashmë koronavirusin – kjo e tejkalon shumë ngarkesën globale të konfirmuar të rreth 35 milion.

■ Çmimi Bobel në Fizikë iu dha gjysma Roger Penrose për treguar se si mund të formohen vrimat e zeza dhe gjysma Reinhard Genzel dhe Andrea Ghez për zbulimin e një objekti supermasiv në qendrën e Rrugës së Qumështit.

■ Në një monolog të befasishëm televiziv, Princi Bandar bin Sulltan bin Abdulaziz, një anëtar i vjetër i familjes mbretërore Saudite, akuzoi udhëheqësit palestinezë për tradhëti ndaj njerëzve të tyre, duke sinjalizuar një erozion të mbështetjes saudite për një çështje që konsiderohej prej kohësh e shenjtë.

■ Kirgistani ra në kaos të martën pasi grupet e opozitës morën kontrollin e Parlamentit dhe liruan udhëheqësit e tyre nga burgu në protestat për zgjedhjet parlamentare që ata i denoncuan si të manipuluara.