Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në botë

Politiko 8 Tetor 2020, 08:27
Posta e mëngjesit/ Me 2 rreshta: Çfarë pati rëndësi

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ "Drejtësia u krye!" Agimi i Artë zyrtarisht organizatë kriminale në Greqi. Gjykata dënon dhjetëra persona për vrasje, komplote e rekrutime.

■ Banka Botërore paralajmëroi të mërkurën se pandemia mund të shtyjë më shumë se 100 milion njerëz në varfëri ekstreme këtë vit, duke ngritur nivelin e varfërisë globale për herë të parë në më shumë se dy dekada.

■ Më shumë se 40 për qind e pacientëve në njësitë e kujdesit intensiv në rajonin e Parisit kanë Covid-19, sëmundja e shkaktuar nga koronavirusi, thanë zyrtarët, duke paralajmëruar që spitalet lokale po vuanin nga tendosja në rritje nga një fluks i rasteve të reja.

■ Skocia do të forcojë më tej kufizimet në sektorin e saj të mikpritjes, duke mbyllur pub-et dhe anuluar ngjarjet rreth Glasgout, për të shmangur një bllokim të dytë.

■ Një gjykatë në Kenia të mërkurën shpalli dy burra fajtorë për ndihmën ndaj militantëve Shabab të cilët sulmuan një qendër tregtare në Nairobi në 2013, duke vrarë 67 njerëz. Këto ishin dënimet e para për aktin terrorist.

■ Një gjyq i hapur u mbajt dje  në Gjermani për një rus të akuzuar për vrasjen e një ish-komandanti çeçen në një park në Berlin vitin e kaluar, me gjasë me urdhër të shtetit rus.

■ Çmimi Nobel në kimi iu dha Emmanuelle Charpentier dhe Jennifer Doudna për punën e tyre në zhvillimin e mjetit Crispr, një metodë e ndryshimit të ADN-së së kafshëve, bimëve dhe mikroorganizmave. Ishte hera e parë që një Nobel në shkencë u akordohej dy grave.

■ Dy të arrestuar nga Britania - gjysma e një ekipi prej katër personash të quajtur "The Beatles" nga disa nga viktimat e tyre - u dërguan në ShBA dje për t'u përballur me akuzat se ata burgosën dhe luajtën një rol në torturimin dhe kokëprerjen e dhjetrave pengjeve perëndimorë, përfshirë gazetarët James Foley dhe Steven Sotloff.

■ Guvernatorët e shteteve në Gjermani ranë dakord dje për të kufizuar udhëtarët vendas nga prenotimi i dhomave në hotele ose vendpushime nëse vijnë nga një vatër e nxehtë e virusit, përveç nëse ata mund të paraqesin një rezultat negativ të testit.

Të fundit