Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 22 Qershor 2020, 07:00

Posta e mëngjesit/ Me 2 rreshta: Çfarë pati rëndësi

Politiko.al

Mirëmëngjes

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■ Ministria e Shëndetësisë raporton se gjatë 24 orëve të fundit janë konfirmuar 71 raste pozitive. Sipas MSH, një 62 vjeçar nga Tirana ka humbur jetën ditën e sotme dhe se 78 pacientë ndodhen deri tani tek Infektivi.

■ Policia njofton se ka arrestuar një tjetër të dyshuar për ekzekutimin e Hekuran Billës tek Komuna e Parisit. Në pranga ka përfunduar 32 vjeçar me iniciale A.A.

■ Ish-deputetja demokrate, Albana Vokshi, referuar opinionit të Venecias për paketën anti shpifje, që e cilësoi si paketë problematike e jo gati për miratim, thotë se kryeministri Rama është kërcënimi kryesor që Shqipëria të mos përmbushë kushtet për hapjen e negociatave për anëtarësim në Bashkimin Europian.

■ Deputetja Rudina Hajdari ka përgëzuar kryeparlamentaren e Kosovës Vjosa Osmani për qëndrimin pas shkarkimit si nënkryetare dhe anëtare Kryesie. Në Facebook, Hajdari shkruan se edhe ajo vetë e ka kaluar në kurriz furinë e baltës dhe mërisë së politikës së burrave të cilët e urrejnë mendimin ndryshe dhe demokracinë.

■ Dy persona kanë rënë nga lartësia teksa ishin duke punuar në një banesë private në rrugën “5 Maji” në Tiranë. Policia bën me dije se, personat Y.C., 47 vjeç dhe S.M., 59 vjeç, u dërguan menjëherë në spital dhe ndodhen nën kujdesin e mjekëve.

■ Ish-deputetja e LSI, Erisa Xhixho ka komentuar vendimin e Komisionit të Venecias dhënë së fundmi për emërimet në Gjykatën Kushtetuese. Për Xhixhon, vendimi i Komisionit të Venecias për t’i dhënë të drejtë Presidentit Ilir Meta mbi emërimet në ‘Kushtetuese’, tregon qartë se kush donte ta respektonte dhe kush donte ta përdorte këtë institucion.

■ Tetorin e kaluar, me Ballkanin e pazgjidhur dhe çadrat e vjetra të diplomacisë amerikane që ndaheshin, administrata Trump çoi një të dërguar të ri për t’u përpjekur për të zgjidhur një nga mosmarrëveshjet territoriale më të gjata të Evropës: ngërçin prej dy dekadash midis Serbisë dhe Kosovës. Lëvizja ishte e jo e zakontë, shkruan në një artikull “New York Times”.

■ Tre këshilltarë të qeverisë “Rama” dhe drejtori i Informacionit i Bashkisë së Tiranës konkurrojnë mes tyre për postin e kreut të AMA –në dukje pa plotësuar as kriterin formal të vjetërsisë në punë –një garë që rrit shqetësimet mes organizatave të medias për fiktivitet dhe varësi të mëtejshme të institucionit nga politika.

■ Hiqen kufizimet e aktivitetit për shkak të masave anti-COVID edhe për transportin detar. Ministria Infrastrukturës dhe Energjisë së bashku me Drejtorinë e Përgjithshme Detare bën me nga nesër do të lejohen të gjitha linjat e transportit ndërkombëtar të pasagjerëve.

■ Një person ka mbetur i plagosur pas disa të shtënave me armë zjarri në Lezhë. Mësohet se, personi është një 29-vjeçar i identifikuar si Odise Simoni. 29-vjeçari ka mbetur i plagosur në dorë, ndërsa është transportuar menjëherë në spitalin rajonal të Lezhës ku ndodhet jashtë rrezikut për jetën.

■ Biznesmeni shqiptar, Klodian (Mirel) Mërtiri ka reaguar për herë të parë pas akuzave ndaj tij nga Partia Demokratike si i përfshirë në një skandal korrupsioni me një tender 60 milionë dollarë për pajisjet mjekësore kundër COVID-19 në Zimbabve.

■ Autoriteti Portual Durrës ka reaguar pas njoftimit të MIE-së për rihapjen e linjave detare të udhëtimit. Autoriteti Portual Durrës bën me dije se nga dita e hënë (sot) do të udhëtojnë vetëm shqiptarët rezidentë në Itali dhe shtetasit e huaj që dëshirojnë të udhëtojnë drejt porteve italiane. Ndërsa për të gjithë qytetarët e tjerë shqiptarë do të hapen nga 1 korriku, nëse BE vendos të hapë kufijtë në datën që ka përcaktuar.

■ Ndërron jetë kreu i Partisë Demokartike për degën e Krujës, Reshit Merlika. Lajmi është bërë me dije nga vetë kryedemokrati Lulzim Basha. Përmes një postimi në rrjetet sociale, Basha nënvizon se Merlika ishte një person me integritet, dhe se PD humbi një nga drejtuesit më të shquar të saj.