Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 30 Korrik 2020, 06:48

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■ Takoi Ramën, Metën e Bashën, ambasadorja e SHBA, Yuri Kim përcolli mesazh të fortë një ditë para 30 korrikut: Me palët nënvizuam gjithëpërfshirjen, opozita e bashkuar s’mund të injorohet edhe pse dogji mandatet.

■ Skandal me dosjen 339. Dy nga 22 komisionerët zgjedhorë të 2017-ës, ndaj të cilëve SPAK lëshoi urdhër-arreste, rezultoi se kishin ndërruar jetë. SPAK reagoi duke thënë se emrat e tyre nuk ishin çregjistruar në gjendje civile.

E lidhur: Cilave parti u përkisnin dy komisionerët zgjedhorë.

■ Serbia ka ofruar mbështetje financiare për filmin e paralajmëruar të regjisorit amerikan Pol Kampf që lidhet me të ashtuquajturën ‘shtëpia e verdhë’ në Shqipëri dhe që serbët e kanë cilësuar si vendi ku është kryer tregti me organet nga UÇK.

■ Ministri për Rindërtim, Arben Ahmetaj ka deklaruar në Kuvend se në shtator lënda e gjuhës angleze do të futet që në klasë të parë. Ahmetaj gjithashtu iu përgjigj akuzave të opozitës për aktin normativ si pjesë e situatës me COVID-19, teka theksoi se në vitet e fundit janë rritur të ardhurat me 25 %.

■ Manastirliu është shprehur se mbajtja e maskës është e detyrueshme, ndërsa ka theksuar se neglizhimi i masave anti-covid mund të sjellë në rritje infektimi. Ministriagjithashtu nënvizoi se ndërkohë po punohet për të qenë të përgatitur për vjeshtën dhe dimrin, nëse do të ketë valë të re infeksionesh.

■ Kryeministri Rama ka marrë pjesë në samitin rajonal të liderëve të Ballkanit Perëndimor, i mbledhur on-line dje për të forcuar bashkëpunimin rajonal ekonomik me qëllim daljen nga situata e vështirë të cilën krijoi pandemia e COVID-19.

■ 26 ditë pasi i dha titullin Gjeneral major, Meta dekreton emërimin e Bajram Begajt si Shef të Shtabit të Përgjithshëm të FA. Por kush është Gjeneral Major Bajram Begaj?

■ Furtunë largimesh ministrore; pas dorëheqjes së zv. ministres së Drejtësisë, Fjoralba Caka, për arsye personale, largohen nga pozicioni i tyre edhe zv.ministrja e Brendshme, Rovena Voda, dhe zv. ministrja e Energjisë, Dorina Çinari. Nuk dihen arsyet e largimit të tyre nga detyra.

■ ‘Në emër të Republikës’; ish-ministri i Brendshëm, Saimir Tahiri ka reaguar pas rikthimit për rigjykim të çështjes së tij nga Gjykata e Apelit të Posaçëm. Tahiri paralajmëron se beteja e tij për drejtësi vazhdon.

■ Opozita ka propozuar amendamentin për hapjen 100% të listave të kandidatëve. Sipas saj, çdo ndryshim tjetër i njëanshëm është i papranueshëm, prish marrëveshjet e 5 Qershorit dhe 14 Janarit.

■ PS refuzoi propozimin e Opozitës i cili mundëson hapjen e listave 100 %, pa ndryshime të tjera në formulën e koalicioneve dhe shpërndarjes së mandateve.

■ Përfundoi pa konsensus pas 5 orësh diskutime mbledhja e Këshillit Politik. Opozita ka propozuar amendament kushtetues me 6 pika.

E lidhur: Gjiknuri është shprehur se, propozimi i opozitës është thjesht një sabotim i procesit të nisur, ndërsa i sfidon këta të fundit duke u kërkuar të gjejnë një vend evropian që ka koalicionin që duan.

■ Një 23-vjeçar ka humbur jetën mbrëmjen e sotme në Elbasan. Regis Runaj ndërroi jetë rrugës për në spital pas disa goditjeve me thikë pas shpine. Mësohet se, viktima ishte mik i Emiljano Ramazanit, i cili u ekzekutua në 20 korrik.

■ Ministria e Shëndetësisë njoftoi për situatën me koronavirusin në 24 orët e fundit. 108 persona janë konfirmuar pozitivë, nga 502 testime që janë kryer, ndërsa 2 pacientë kanë humbur jetën.