Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 1 Gusht 2020, 06:29
Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■ E shpjeguar: Si preket marrëveshja e 5 qershorit pas miratimit të ndryshimeve kushtetuese pa konsensus.

■ Zëdhënësi i PPE në Parlamentin Europian, Michael Gahler është shprehur me nota kritike dhe keqardhje që qeveria shqiptare miratoi të enjten pa konsensus ndryshimin e Kushtetutës: Partia qeverisëse e Shqipërisë theu konsensusin e 5 qershorit

■ Patrick Voller, Sekretari për Marrëdhëniet me Jashtë në PPE ka reaguar mbi ndryshimet kushtetutese të miratuara pardje nga Parlamenti. Në një mesazh në twitter, Voller shpreh keqardhje që ndryshimet e fundit kushtetuese të votuara nuk u kryen në mënyrë gjithëpërfshirëse.

■ Balkan Insight: Hera e parë në dy dekada që vendi ndryshon sistemin zgjedhor pa kompromis, veprimi i Ramës ishte për pushtet.

■ Dalin zyrtarisht 12 emrat fitues si rektorë të universiteteve të vendit. Pas zgjedhjeve të 30 korrikut, tashmë 12 universitetet publike kanë drejtuesit e tyre të rinj, ndërsa prof. Artan Hoxha u zgjodh rektori i Universitetit të Tiranës.

■ Banka Botërore miratoi së fundmi një financim prej 15 milionë eurosh për Shqipërinë që të ndihmojë vendin të parandalojë, zbulojë dhe të reagojë ndaj pandemisë së COVID-19, si dhe të fuqizojë sistemin kombëtar të gatishmërisë së shëndetit publik.

■ Tre persona kanë humbur jetën nga COVID-19, në të dy spitalet Covid gjatë 24 orëve të fundit, ndërsa 79 janë konfirmuar 79 raste të reja. Në përditësimin e të dhënave Ministria e Shëndetësisë raporton se viktimat janë një 56 dhe 76 vjeçar nga Tirana, si dhe një 90-vjeçar nga Elbasani.

■ U infektua me covid-19/ Përkeqësohet gjendja e deputetit Enver Roshi, dërgohet për trajtim të specializuar në Turqi.

■ Besimtarët myslimanë kanë festuar dje ditën e Kurban Bajramit dhe ndryshe nga herët e tjera namazi u fal pranë xhamive dhe jo në sheshet qendrore. Kryegjyshi i Bektashinjve Botërorë, Haxhi Dede Edmond Brahimaj krahas urimit për besimtarët, tha se falja është bërë nën kushte të rrepta sigurie si masa kundër COVID-19.

■ Gazeta italiane “La Repubblica”, i ka dedikuar një speciale Edi Ramës në të cilën evidenton se si kryeministri shqiptar është kthyer tashmë në një (artist) të gjithëpushtetshëm, ndërsa i referohet këtij të fundit si: "'Artisti' që i mbylli gojën medias dhe shembi Teatrin Kombëtar."

■ Kryeministri Rama shpreh bindjen e plotë se PS-ja do të fitojë mandatin e tretë dhe ai do të vijojë të jetë kreu i ekzekutivit edhe pas zgjedhjeve të 2021. I pyetur se kë preferon si kundërshtar politik; Metën, Bashën apo Berishën? Rama përgjigjet se s’e ka problem asnjërin prej tyre.

  • E lidhur: Mirëpo, bindjes së Ramës se i ka të fituara zgjedhjet e ardhshme, Kryemadhi i është përgjigjur: "Ai mund të kërkojë të ngelet dhe me barrë, por nuk ngel dot”.

Presidenti Meta dekretoi marrëveshjen e 5 qershorit, të arritur në Këshillin Politik. Meta nënvizoi se dialogu politik, gjithëpërfshirës ndërmjet forcave politike për të gjitha çështjet që prekin zgjedhjet është e vetmja rrugë që e afron Shqipërinë me Bashkimin Europian. 

■UEFA ka pezulluar merkaton e klubit të Kukësit për tre sesione radhazi, pas një gjyqi që ish-futbollisti Filip Zderiç ka fituar në FIFA. Shkak është bërë mos shlyerja e detyrimeve në kohë. Lajmi është konfirmuar nga vet klubi i Kukësit.

 

Të fundit