Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 4 Gusht 2020, 08:37

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■Kryesia e Partisë Demokratike ka emëruar dje 5 anëtarët e Komisionit të Vlerësimit të Kandidatëve, që është përgjegjës për shqyrtimin e kandidaturave të propozuara nga anëtarët. Anëtarë të kësaj strukture u caktuan Bujar Nishani, Besnik Mustafaj, Genc Ruli, Enriketa Papa dhe Mark Marku.

E lidhur: Ish-presidenti Bujar Nishani, ka komentuar së fundmi për procesin e përzgjedhjes së kandidatëve për deputetë të Partisë Demokratike. Nishani tha se procesi në fjalë është rrugëtimi i PD-së drejt pushtetit. Ai gjithashtu theksoi se shqiptarët kanë nevojë për një ndryshim të thellë politik.

■Zbardhet pasuria e ministrave deri në 2019-ën: Gent Cakaj më i ‘varfri’, Blendi Çuçi me partneren (Delina Fico) më të pasurit.

■ Ministria e Diasporës, e cila së fundmi ka qenë në qendër të vëmendjes për shkak të kërkesës për përllogaritjen e votës së emigrantëve në kuadër të Reformës Zgjedhore, sot është bërë kryefjalë dite për një nga tenderat më të çuditshëm të kërkuar në 30 vitet e fundit; 2, 000 lojëra “Mos u nxeh”. Pse i duhen Ministrisë 'zarat' në perjudhë pandemie?

■Gjykata e Posaçme e Shkallës së Parë për Korrupsionin dhe Krimin e Organizuar ka vendosur të sekuestrojë pasuritë e Ylli Ndroqit, president i grupit mediatik Yldon Media, njëherësh edhe i dy televizione RTV Ora dhe Channel One.

Pas hetimeve nga SPAK, ka dyshime se Ylli Ndroqi (alias Xhemail Pasmaçiu) ka qenë i përfshirë në trafik ndërkombëtar droge në Turqi dhe në Itali. Avokati i biznesmenit Ylli Ndroqi, tha se do e ankimojnë vendimin e SPAK, që urdhëroi sekuestrimin e pasurive dhe pronave të tij pas një hetimi pasuror.

E lidhur: “Sulm politik”, dy javë më parë Ndroqi nisi betejën ligjore me Veliajn; dy akuzat e ngritura ndaj kryebashkiakut.

■Partia Demokratike ka dalë në mbrojtje të pronarit të Ora News, Ylli Ndroqi, pas sekuestrimit të 26 prej pasurive të tij, nën akuzën pastrim parash. Përmes disa reagimeve nga ish-kryeministri Sali Berisha, ish-deputeti Ervin Salianji, dhe ish-deputetja Albana Vokshi, PD ka hedhur akuza mbi “drejtësinë e re”, duke e cilësuar atë si ‘selektive’, dhe theksuar se këto organe janë në shërbim të pushtetit.

■Shkon në 172 numri i të vdekurve nga COVID-19 në Shqipëri, ndërsa 6 persona kanë humbur jetën në 24 orët e fundit. Covid-19 i merr jetën një 28-vjeçari në Shkodër. Viktima është identifikuar si Anton Çuni, me profesion elektricist në qytetin verior. Edhe mjeku pneumolog Anibal Byberaj humbi betejën me covid-19. Ministria e Shëndetësisë: Vuante nga obeziteti dhe një sëmundje lëkure.

■Një 71-vjeçar është gjendur i pajetë në Fushë-Prezë, në kryqëzimin me Rrugën e Rinasit. Viktima, Abdulla Budlla, është ekzekutuar me armë nga një distancë 3-4 metra, ndërkaq, policia ka ngritur pika të shumta kontrolli për kapjen e autorëve të krimit.

■PD ka vijuar denoncimet për djegien e Pyllit të Semanit. Ish-deputeti, Luan Baci, ka ritheksuar edhe njëherë papërgjegjshmërinë-sipas tij- të autoriteteve për të marrë masa në kohë, ndërsa shprehet se banorët kërkojnë ndërhyrje urgjente. Rreth 20 hektarë të Pyllit të Semanit janë shkrumbuar prej disa ditësh, ndërsa pas thirrjeve të shumta pasditen e së hënës ka zbarkuar edhe ushtria.

E lidhur: Drejtori i Agjencisë Kombëtare të Mbrojtjes Civile, Haki Çako, përmes një deklarate mbi situatën alarmante të krijuar për shkak të zjarreve në vend, është shprehur se 168 vatra zjarri janë evidentuar vetëm gjatë muajit korrik, shumica e të cilave janë të qëllimshme.