Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 5 Gusht 2020, 08:55

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■ Lidershipi i PD, Lulzim Basha ka zhvilluar mbledhjen e parë me pesë anëtarët e Komisionit të Vlerësimit të kandidatëve në PD, konkretisht Bujar Nishani, Besnik Mustafajn, Genc Rulin, Mark Markun dhe Enriketa Papa.

Takimi mes tyre dhe dy ndihmësit në procesin e vlerësimit të propozimeve të ardhura nga anëtarësia, vjen një ditë pas miratimit të komisionit nga Kryesia dhe Këshilli Kombëtar i PD.

Mustafaj: Shpresoj të dal i pa turpëruar në fund të këtij procesi; Ruli: Ftesa ndaj meje si kritik i lidershipit tregon hapje të PD

E lidhur: Lulzim Basha: Kjo do të jetë epoka e re e demokratizimit të partive

■ Është shpallur në kërkim Selim Qama, babai i deputetit të opozitës parlamentare, Klajdi Qama. 61-vjeçari është administrator i një firme private dhe akuzohet se nxirrte pllaka dekorative nga mali i Tomorit në mënyrë ilegale.

■ Pas vendimit të Gjykatës së Posaçme Kundër Korrupsionit për sekuestrimin e 26 pasurive të Ylli Ndroqit, Policia e Shtetit ka realizuar sot sekuestrimin e pasurive të paluajshme. Në njoftimin e Policisë sqarohet se pasuritë e Ylli Ndroqit janë vënë nën sekuestro pas një hetimi prej gati 18 muajsh për gjurmimin dhe sekuestrimin e pasurive, pasi dyshohet se janë përfituar në mënyrë të paligjshme.

■Presidenti i Republikës, Ilir Meta, ka reaguar përsa i përket situatës aktuale të lirisë së medias në Shqipëri. Kreu i lartë i shtetit thekson se situata është vërtetë tronditëse pasi kemi një përkeqësim të lirisë së medias në dy vitet e fundit, si dhe presione ndaj medias së pavarur dhe kritike të qeverisë.

■Këshilli Shqiptar i Medias e ka cilësuar ndërhyrjen e FNSH dhe RENEA në mjediset e një televizioni kritik ndaj qeverisë de facto si një sulm ndaj fjalës së lirë. KSHM i bën apel qeverisë të tërheq FNSH-në dhe RENEA-n nga RTV ORA e ORA News, ndërsa SPAK të rivlerësojë kërkesën për sekuestro.

■Gjatë 24 orëve të fundit kanë humbur betejën me COVID 4 pacientë të infektuar, duke e çuar numrin e viktimave në 176 raste. Ministria e Shëndetësisë raporton gjithashtu se gjatë 24 orëve të fundit kanë rezultuar pozitivë 130 raste, duke shënuar kështu një tjetër rekord të ri infektimi në vend.

■Greqia miraton paketën e re anti-Covid, rikthehet karantina për shqiptarët; 7 ditë izolim kush kalon nga Kakavija, mbyllet gjatë natës pika kufitare.

■Dy shpërthime të fuqishme kanë tronditur kryeqytetin e Libanit, Bejrut, pasditen e kësaj të marte, duke iu marrë jetën 73 personave (deri tani) dhe afro 3000 të tjerë kanë mbetur të plagosur. Shpërthimi e ka kthyer Bejrutin në një ‘qytet të vdekur’, ndërsa vendasit e krahasojnë tragjedinë e sotme me Hiroshimën. BE është solidarizuar me Libanin, teksa përmes Macron dhe Merkel njofton se ndihma mjekësore është rrugës. Tragjedia ka shkrirë akullin e krijuar në marrdhëniet diplomatike Izraelito-Libaneze, ku pas më shumë se 70 vitesh ‘armiq të përbetuar’, Jeruzalemi i ka shtrirë dorën fqinjit të tij, duke i ardhur në ndihmë në këtë kohë të vështirë.

E lidhur: Shpërthimi tragjik në Bejrut, Shqipëria zyrtare shpreh solidaritetin me Libanin: Ngushëllime! Mendimet dhe lutjet tona janë me ju