Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 16 Gusht 2020, 08:00

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■Vijon situata kaotike në Kakavijë për të katërtën ditë radhazi. Shqiptarët kaluan natën në rrugë dhe qëndruan të bllokuar në radhë kilometrike.

■Veç situatës së vështirë, një autoambulancë aksidentoi për vdekje dje një fëmijë 10 vjeç, i cili kishte dy ditë me familjen që priste në radhë. Reagon PD: E pafalshme! Qeveria lejoi krijimin e radhëve të gjata, nuk informoi qytetarët në kohë.

■Kryeministri Edi Rama reagon për herë të parë: Një situatë e tillë ndodh edhe në Britani, rregulli i Greqisë për tamponin është i pakuptimtë.

■“Gjendja vijon ende problematike”, ministri Sander Lleshaj ofron ‘zgjidhjen’ për qytetarët pas 4 ditësh në rrugë: Të shtyjnë udhëtimin në Greqi

■Covid-19 i merr jetën zyrtarit të PS në Tiranë. Bëhet fjalë për Ndue Ndocin, kreu i PS në njësinë numër 11 në Laprakë.

■Një grup mjekësh gjermanë po studiojnë pasojat afatgjata tek pacientët e infektuar dolën në përfundimins se Covid-19 përshpejton procesin e plakjes

■ Për situatën në Kakavijë, kreu i PD-së, Lulzim Basha fajëson qeverinë, sipas të cilit është e dështuar dhe ka braktisur njerëzit. Basha e konsideron gjithë situatën kaotike të krijuar në pikën kufitare në Kakavijë një turp të qeverisë Rama.

■ Media italiane "La Fugaro" publikon pamjet nga radha kilometrike në Kakavijë dhe flet për mijëra shqiptarët e bllokuar në kufi me Greqinë. "La Fugaro" e përshkruan këtë situatë si dëshpëruese e cila ka nisur pas njoftimi në fillim të kësaj jave për masat e reja greke lidhur me menaxhimin e situatës nga koronavirusi.

■ Shkon në 255 numri i viktimave në vendin tonë me COVID-19 që prej shpërthimit të pandemisë. Të dhënat e undit të përditësuara flasin për një numër prej 143 personash të infektuar rishtazi në 24 orët e fundit në Shqipëri dhe 14 pacientë të tjerë në terapi intensive dhe 3 të intubuar.

■ Mbi situatën në Kakavijë, reagon dhe ministrja Olta Xhaçka e cila nga pika kufitare u shpreh se kjo situatë nuk është krijuar nga qeveria jonë por që janë në bisedime me palën greke, ama nuk mundt`i detyrojnë të marrin veprime që nuk dëshirojnë sipas Xhaçkës.

■ Partia Republikane reagon për ndryshimin e ligjit “Për pronat e paluajtshme të shtetit”. Sipas PR, ky ndryshim ligji është tërësisht korruptiv dhe bie ndesh me kushtetutën dhe të drejtën legjitime të pronarëve për të gëzuar apo përfituar nga prona e tyre.

■ Konsulli shqiptar në Janinë, Eltjon Verleni në një prononcim për mediat nga Kakavija, ku situata vijon të jetë e tensionuar dhe kaotike ka thënë se vazhdojnë bisedimet me palën greke për të rritur kapacitetet në mënyrë që puna të vijojë me ritme më të shpejta.

■ PDIU fajëson qeverinë "rrumpallë" të Ramës për situatën kaotike në Kakavijë, ndërkohë ish-deputeti demokrat Salianji flet për një atdhe që jo vetëm që nuk i mban por as nuk i përcjell dot.

■ Situata e rënduar në Kakavijë, reagon Rama duke kërkuarmirëkuptimin e qytetarëve. Sipas Ramës është bashkëpunuar me palën greke në çdo nivel dhe sipas tij është gjetur mirëkuptim dhe gatishmëri.

■ Arrihet mirëkuptim me palën greke, puna në pikën kufitarë të Kakavijës do të vazhdojë dhe pas orës 22:00, por të gjithë shtetasit që do të hynë në territorin grek duke nisur që nga dita e nesërme(sot, 16 gusht) do duhet të kryejnë karantinë të detyruar. Ndërsa nga e hëna, do të lejohen vetëm 750 udhëtarë në ditë të kalojnë.