Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 18 Gusht 2020, 09:32

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■ Ministria e Shëndetësisë bën me dije se dy persona kanë humbur jetën në 24 orët e fundit nga COVID-19. Viktimat janë dy të moshuar nga Durrësi dhe Korça. Po ashtu, në deklaratën për përditësimin e të dhënave të pandemisë MSH njofton se janë kryer 501 testime brenda 24 orëve, nga të cilët 119 persona janë konfirmuar pozitivë.

■ Ka marrë fund 40 minuta pas mesnate 'makthi' në Kakavijë, ku mijëra qytetarë prisnin në radhë në pikën kufitare për të kaluar në tokën greke. Ministria e Mbrojtjes bën me dije se 24 orëve të fundit, në Kakavijë kaluan 3325 shtetas dhe 1629 mjete. Në një reagim të tij, kryeministri Rama duke falenderuar të gjitha strukturat dhe autoritet shtetërore të përfshira në këtë aksion, u ka bërë apel qytetarëve të mos krijojnë më siklete të tilla.

■ Shfrytëzuan kaosin në Kakavijë për të trafikuar drogë drejt Greqisë, arrestohen dy persona

■ ‘President normal, në kohë anormale’; Rama i bën urimin special Rexhep Meidanit për ditëlindje, 'thumbon' Metën

■ E lidhur: Meta dekoron Rexhep Meidanin në 76 vjetorin e lindjes: Kontribuoi në Kushtetutë në referendumin e '98-tës dhe çështjen e Kosovës

■ Kreu i Bindjes Demokratike, Astrit Patozi ka akuzuar palët politike se e shfrytëzuan ditëlindjen e ish-presidentit Meidanit për të bërë disa urime për formalitet dhe goditur njeri-tjetrin.

■ Partia Demokratike, përmes ish-deputetit Luçiano Boçi, ka rivënë në dukje mungesën e një plani nga ana e qeverisë për rihapjen e shkollave, ndërsa pak ditë na ndajnë nga fillimi i vitit të ri shkollor në kushte pandemie. Sipas demokratëve, një plan i tillë është një nevojë emergjente për vendin.

■ E lidhur: Ministrja e Arsimit, Besa Shahini, ka reaguar së fundmi mbi çështjen e fillimit të ri shkollor. Nëpërmjet një video-mesazhi, Shahini thekson se vendimi mbi mënyrën se si do të zhvillohet mësimdhënia do të merret nga Task-Forca për koronavirusin në varësi të ecurisë së pandemisë.

■ Këshilli i Emërimeve në Drejtësika ndaluar kandidimin e Regleta Panajotit si gjyqtare për vakancën në Gjykatën Kushtetuese. Në njoftimin e KED nuk sqarohen arsyet e vendimit të marrë, ndërsa thuhet se do të bëhen publike në një moment të dytë.

■ Presidenti Ilir Meta ka reaguar përsa i përket situatës kaotike të krijuar ditët e fundit në pikën kufitare të Kakavijës. Përmes një deklarate për shtyp, Meta ia la përgjegjësinë kryesore qeverisë, e cila- sipas tij- nuk njoftoi në kohën e duhur qytetarët për masat e reja. Presidenti iu kërkoi ndjesë 'në emër të shtetit' qytetarëve të përfshirë në këtë situatë, teksa theksoi se Presidenca bëri gjithçka që kishte në dorë për zgjidhjen e krizës. Ndërkaq, i pyetur për vendimin e KED-së për të ndaluar kandidimin e gjyqtares Regleta Panajoti për Kushtetuesen, Meta s'ka dhënë koment.

■ E lidhur: Kryeministri Rama ka reaguar menjëherë pas akuzave të Metës për situatën në Kakavijë. Duke cilësuar deklaratën e Presidentit si parodi të tipit Baba Xhike, Rama akuzoi Metën se po përdor institucionin e Presidencës për Lëvizjen e tij të Çintegruar politike