Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 23 Gusht 2020, 09:05

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■ Silva Bino flet për rrezikun e moshave të reja që po preken nga koronavirusi. Shefja e epidemiologjisë në ISHP u shpreh në një intervistë se moshat më të prekura janë ato mbi 25 vjeç deri në 40 vjeç dhe pastaj kemi moshën mbi 50 vjeç.

■ Ish-deputeti i PD-së, Enkelejd Alibeaj ka reaguar për drogën që është gjetur në makinën e bashkisë së Roskovecit, e cila transportonte kryebashkiaken Majlinda Bufi. Sipas Alibeajt, Bufi u shërben disa trafikantëve të drogës, njësoj si shefi i saj në Tiranë dhe si shumë homologë në bashki të tjera të vendit.

■ "Tallje me Kurbinin", Andon Frrokaj akuzon qeverinë Rama dhebashkinë e Laçit për mashtrim, pasi sipas ish-deputetit demokrat, dy orë pas njoftimin për nisjen e punës për ndërtimin e mbi 500 njësive të ndërtimit në Laç, në vendin e pretenduar nuk dëgjohet asnjë zhurmë e mjeteve të punës.

■ U gjet drogënë makinën që e transportonte, reagon Majlinda Bufi dhe e konsideron këtë lajm si një trillim dhe mashtrim të portaleve. Kryebashkiakja Bufi shprehet përmes një deklarate se këto lajme janë gënjeshtra dhe baltë e hedhur mbi të.

■ Gjatë 24 orëve të fundit në Shqipëri kanë rezultuar 156 raste të reja dhe 5 pacientë kanë humburjetën me COVID-19. Ndërkohë, 141 pacientë po trajtohen aktualisht në të

dy spitalet COVID, ndërsa 20 prej tyre janë në terapi intensive dhe 9 të intubuar.

■ Ndryshe nga shumë vende me nivel të njëjtë të zhvillimit ekonomik, Shqipëria ende nuk i ka zhvilluar shërbimet mjekësore për adoleshentët. OBSh, vuri në dukje se Fondi për Popullsinë në Kombet e Bashkuara ndihmoi Ministrinë e Shëndetësisë në vitin 2015 për të vendosur standarde për shërbime shëndetësore ndaj të rinjve, të cilat u miratuan, por nuk u zbatuan.

■ Pas situatës së përsëritur të zjarreve Agjencia Kombëtare e Mbrojtjes Civile iu është drejtuar dje me dy shkresa respektive 61 bashkive, 12 prefekteve dhe Policisë së Shtetit lidhur me këtë situatë. Sipas shkresës kjo periudhë është problematike për zjarrvënien e qëllimshme për marrjen e masave për përballimin e zjarreve.

■ Ambasada e Shqipërisë në Greqi ka njoftuar se pranë këtij institucioni kanë mbërritur Pasaportat dhe Kartat e Identitetit deri më 31 korrik 2020. Nëpërmjet një njoftimi në faqen zyrtare, ambasada thekson se Shpërndarja e pasaportave dhe kartave të identitetit ka nisur të kryhet pranë HYRJES NR. 1 të Ambasadës.

■ Ali Ahmeti mund të japë dorëheqje nga posti i kryetarit të BDI-së, pasi procesi i dëshmisë dhe intervistimit nga prokurorët e dhomave të specializuara do të jetë i gjatë, duke e pamundësuar atë të kryerjë detyrat si kryetar partie. Pas ftesës për të dëshmuar në Hagë në fund të këtij muaji, Ahmeti pritet të japë dorëheqjen në muajin shtator.