Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 4 Shtator 2020, 07:38

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

Debati për detin, kryeministri Rama i prerë: Histori qesharake, s'ka marrëveshje pa miratimin e Presidentit.

Paloka: PD pranon të ulet në Këshillin Politik, por me kusht të mos preket 5 qershori

Ilir Beqaj paralajmëron ndryshime në qeveri: Ky është moment reflektimi, vendim ekskluziv i Ramës

“Porositë e Ramës për deputetët dhe kryebashkiakët”, ironizon PD: OFL menaxheri i fushatës së PS! U kujton çdo 2-3 ditë ‘çunave problematik’ të mbajnë anën e qeverisë.

Kreu i Bindjes Demokratike, Astrit Patozi, ka reaguar rreth zhvillimeve politike Mal të Zi, ku e sheh si një frymë pozitive propozimin e Dritan Abazoviq për një qeveri ekspertësh. Sipas Patozit, nëse kjo strategji funksionon, mënyra më e mirë do të ishte të implementohej edhe në Shqipëri, me qëllim që të evitohej rënia sërish e pushtetit në duart e PS apo PD.

Prokuroria e Tiranës nis hetimet për 2 vetëvrasjet te spitali 'Shefqet Ndroqi', merr në pyetje mjekë e familjarë Vetëvrasja e pacientit të dytë me covid-19, reagon spitali ‘Shefqet Ndroqi’: Ishte shtruar një ditë para aktit fatal

Të lidhura: Dy vetëvrasje në tri javë te ‘Shefqet Ndroqi’, çfarë nuk shkon me pacientët e prekur me covid-19 pas shtrimit në spital.

*Shoqata e Infermierëve në Shqipëri ka renditur disa nga arsyet e vetevrasjeve ne spitalin Covid. Nëpërmjet një deklarate në Facebook, Shoqata ka dhënë një informacion shokues.

Eliot Engel para takimit Kosovë-Serbi në Shtëpinë e Bardhë: Njohja reciproke, konflikt politik që kërkon zgjidhje politike.

PD ka reaguar për premtimin e qeverisë se nxënësit do të kenë libra falas duke thene se kryeministri Rama mashtroi, pasi nxënësve po u jepen libra të përdorur. Në Facebook, Ndriçim Mehmeti thekson se librat falas janë thjesht tekstet e lëna nga nxënësit e klasave të larta, të zhgarravitura.

Protesta e naftëtarëve në Ballsh ka degraduar deri në konfrontim fizik, teksa disa persona kanë thyer kordonin e policisë. Situata u tensionua vetëm pak minuta pasi kanë mbërritur përfaqësues të kompanisë që bëjnë përzgjedhje selektive mes stafit për të firmosur kontratat individuale të punës.

Sekretari për çështjet ligjore në PD, Çlirim Gjata, ka akuzuar kryeministrin se shoqërohet me njerëz të inkriminuar, teksa ka publikuar disa foto të Ramës në Vlorë me ish-deputetin Shkëlqim Selami, i prekur nga ligji i dekriminalizimit.

Ministria e Shëndetësisë dhe Mbrojtjes Sociale ka bërë me dije se gjatë 24 orëve të fundit janë konfirmuar pozitivë me COVID 116 persona, teksa kanë humbur jetën 5 pacientë.

Kryeministri Edi Rama ka zhvilluar në Elbasan një mbledhje me kryebashkiakët. Në fokus të diskutimit kanë qenë zgjedhjet e ardhshme parlamentare, ku kreu i PS-së iu ka dhënë porosi konkrete dhe iu ka kërkuar për t’u takuar sa më shumë me qytetarët për të bindin edhe elektoratin gri.

Kryeministri Edi Rama ka zgjedhur të shkojë vetë në Presidencë për t’u takuar me kreun e shtetit Ilir Meta për konsultime për datën e zgjedhjeve parlamentare. Ai do të shoqërohet dhe nga Sekretari i Përgjithshëm i PS-së, Taulant Balla.

Presidentë e klubeve të Kategorisë Superiore kanë zhvilluar një takim me presidentin e FSHF-së Armando Duka. Ata vazhdojnë të jenë në në të njëjtën linjë, si në mbledhjen e parë, për të bojkotuar kampionatin, (i cili është i parashikuar që të nisë më 12 shtator), deri në plotësimin e katër kërkesave nga Qeveria.

Kryeministri i Kosovës, Avdullah Hoti, ka folur për mediat pas takimit me presidentin e Serbisë, Aleksandër Vuçiç dhe ambasadorin Grenell në Washington. Hoti tha se janë bërë hapa të mëdhenj para drejt një marrëveshjeje duke shtuar se nesër, pritet të ketë nënshkrim të asaj që sot janë dakorduar.

Kosova ka barazuar me rezultatin 1-1 ndaj Moldavisë duke zhgënjyer kështu në sfidën e parë të Ligës së Kombeve. Golin për dardanët e ka shënuar sulmuesi Benjamin Kollolli në pjesën e dytë të takimit.