Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 5 Shtator 2020, 08:26
Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

*Ditë historike! Kosova dhe Serbia nënshkruan dje një marrëveshje me 16 pika në Shtëpinë e Bardhë, në prani të Donald Trump për normalizimin e marrëdhënieve ekonomike mes dy vendeve, e cila bëhet fjalë për projekte të përbashkëta që kapin shifrën 13 miliardë euro. Pjesë e marrëveshjes ishte dhe njohja e Kosovës nga Izraeli dhe zhvendosja e ambasadës serbe në Izrael nga Tel Aviv në Jeruzalem.

*Një ditë e ngjeshur ishte ajo e djeshmja për klasën politike, por edhe për presidenin Ilir Meta, i cili priti përfaqësues të partive një e nga një prej mëngjesit për t’u konsultuar mbi datën e zgjedhjeve parlamentare 2021.

Meta takoi Ramën dhe Bashën, për herë të parë zyrtarisht u takua edhe me Monika Kryemadhin, bashkëshorten e tij, kryetare e LSI.

*Dega e Vetëvendosjes në Tiranë ka reaguar mbi një prej debateve më të ‘nxehta’ aktualisht, pretendimet e Greqisë për t’u zgjeruar me 12 milje detare (md) në Detin Jon.

Sipas VV, Rama jo vetëm që nuk synon ta kundërshtojë këtë marrëveshje, por po bën avokatin mbrojtës të diktatit grabitqar të Greqisë ndaj territorit detar shqiptar.

  • Shpëtim Idrizi: I shpreha Metës shqetësimin për çështjen e detit, qeveria shqiptare të mos pranojë devizën e Greqisë

  • 5 viktima dhe 123 raste të reja nga COVID-19 janë regjistruar në 24 orët e fundit në Shqipëri. Ministria e Shëndetësisë, po ashtu, ka raportuar për 150 persona të shëruar gjatë ditës së sotme, ndërkaq 190 pacientë janë duke u trajtuar në dy spitalet COVID, 18 perj të cilëve në terapi intensive dhe 8 të tjerë të intubuar.

  • E lidhur: COVID-19 i merr jetën kirurges së njohur në Shkodër. Mjekja 80-vjeçare ndërroi jetë pas betejës disa ditore me virusin vdekjeprurës.

  • Bashkimi i deputetes Rudina Hajdari me “Nismën Thurje” ka sjellë zhgënjim te deputetët e opozitës parlamentare të cilët siç duket se e prisnin te partia e tyre e re “Lëvizja Demokratike Shqiptare”. Deputeti Halit Valteri shprehet se Hajdari përfundoi në një lëvizje të financuar kryekëput nga interesa okulte, që s’ka bërë transparente.

  • Gjykata e Apelit të Tiranës vendos se nuk do ketë Kolegj Civil dhe Penal dhe çështjet do të ndahen tek të gjithë gjyqtarët. Shkak për marrjen e një vendimi të tillë është bërë numri i lartë prej rreth 13 mijë dosjesh të mbetura për shqyrtim në Apel dhe gjyqtarët e pakët të mbetur për shkak të vetting-ut. Të gjitha çështjet tashmë pritet të hidhen në short midis 13 gjyqtarëve.

  • Kombëtarja U-21 e Shqipërisë ka triumfuar me rezultatin 5-1 në transfertë përballë Austrisë, në duelin e vlefshëm për eliminatoret e kampionatit evropian. Rrugën e rrjetës për kuqezinjtë e gjetën Sherif Kallaku, Indrit Tuçi, Ernest Muçit (2) dhe Adolf Selmani.

  • Kombëtarja shqiptare ka arritur të fitojë me rezultatin e pastër 0-2 në transfertë përballë Bjellorusisë, ndeshja e parë e kuqezinjëve në Ligën e Kombeve. Golat u shënuan nga Sokol Cikalleshi dhe Keidi Bare.

Të fundit