Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 12 Shtator 2020, 09:13

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■ Vëzhgim/ “Vendi që më përshtatet mua”, pse Yuri Kim vizitoi Shkodrën dy herë brenda 5 muajve

■ Rama e shkarkoi si drejtues politik, Sandër Lleshaj konfirmon nga Vlora: S’do të jem më ministër, askush s’është i përjetshëm në një post

■ Ish-deputeti i PS Limoz Dizdari komenton largimin e Shahinit: Mesazh trishtues, u thotë të rinjve ikni!

■ Deputeti Alket Hyseni: Kazinotë lejohen në qendër të Tiranës se aty nuk jetojnë njerëz të zakonshëm

■ Shifra zyrtare: Nga pandemia dolën rreth 49 mijë të papunë në 6 muajt e parë të vitit

■ E përplasi për vdekje në Kakavijë, rrëfen babai i 10-vjeçarit: Ambulanca kishte shpejtësi të madhe, thonë se transportonte udhëtarë në doganë

■ Paketa anti-shpifje, Unioni i Gazetarëve: Ka një përpjekje nga PS për të çuar projektligjin përpara në mënyrë jotransparente

■ Kryetari i PD-së, Lulzim Basha i ka bërë thirrje qeverisë që çdo mësues të testohet për COVID ditën e parë të shkollës. Basha shkruan se nuk mjafton vetëm dizinfektimi dhe klasat me turne, por duhen masa urgjente për të mbrojtur fëmijët dhe stafin pedagogjik.

■ Kryeministri Rama pritet të vizitojë Athinën në datat 15 dhe 16 shtator në cilësinë e kryetarit të OSBE-së. Rama do të takohet me kryeministrin Mitsotakis. Sipas mediave greke, Rama do të marrë pjesë në konferencën “Evropa: Përforcimi i kohezionit në kohë të trazuara” ku do të diskutohet për menaxhimin e krizës së koronavirusit.

■ Një deputeti i Partisë Kristian-Demokrate në Suedi, ka nominuar qeveritë e SHBA-së, Kosovës dhe Serbisë për Çmimin Nobel për Paqe.

■ Sekretari i Përgjithshëm i PD, Bardhi, u ka bërë thirrje degëve të PD të identifikojnë dhe të monitorojnë çdo drejtor apo nëpunës që përfshihet në presionin e paligjshëm të administratës për të siguruar vota për PS.

■ Në 24 orët e fundit, Ministria e Shëndetësisë ka informuar se kanë humbur jetën 3 pacientë me COVID dhe janë regjistruar 161 raste të reja.

■ Ambasadorja e ShBA-së në Tiranë, Yuri Kim ka darkuar në Shkodër me ish-ministrin e Jashtëm Ditmir Bushati. Bushati njihet si një ndër të paktët kritikë brenda PS-së ndaj Edi Ramës.

■ Kryeministri Edi Rama dhe presidentët e klubeve të Kategorisë Superiore duket se kanë gjetur “gjuhën e përbashkët” për të diskutuar lidhur me kërkesat e këtyre të fundit. Për të negociuar me “Ligën Profesioniste”, Qeveria ka autorizuar deputetin Fidel Ylli.

■ Qeveritë e Shqipërisë dhe Kosovës do takohen në javën e tretë të shtatorit, ku pritet të nënshkruhen disa marrëveshje të rëndësishme. Në këtë mbledhje të radhës, mësohet se disa nga marrëveshjet janë dogana e Kosovës në Durrës, hidrocentrali në territorin shqiptar dhe linja hekurudhore.

■ Gala Aliaj, vajza e artistit shqiptar Robert Aliajt, ka triumfuar në finalen e “The Voice Kids” në Belgjikë. Këngët që i dhanë fitoren adoleshentes shqiptare ishin “Goodbye Yellow Brick Road” nga Elton John dhe “Make You Feel My Love” nga Adele.