Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Posta e mëngjesit/ Me 2 rreshta: Çfarë pati rëndësi dje në Shqipëri

Politiko 14 Shtator 2020, 08:06

Posta e mëngjesit/ Me 2 rreshta: Çfarë pati rëndësi

Mirëmëngjes!

“Posta e mëngjesit” ju sjell një blic lajmesh kryesore ndodhur dje në Shqipëri. Klikoni në hiperlinqet blu nëse doni të lexoni më shumë. Nëse e doni ‘Postën’ në emailin tuaj na shkruani në [email protected]

■ Një aksident i rëndë ka ndodhur në dalje të tunelit të Elbasanit, ku një 58-vjeçar në gjendje të dehur ka goditur me mjetin tip “Benz” nga mbrapa një mjet “Volkswagen”. Si pasojë kanë mbetur të plagosura rëndë 4 vajza, dy prej të cilave, kanë ndërruar jetë në spitalin e Traumës. Policia ka arrestuar 58 vjeçarin Behar Pema.

■ Zëvendëskryeministri Erion Braçe, shprehet se lojrat elektronike të fatit dhe bastet sportive nuk do të hapen. Sipas tij, që prej vitit 2018 ato konsiderohen të paligjshme në Shqipëri dhe ligji nuk ka ndryshuar, por është në fuqi.

■ Kryetari i PD-së, Lulzim Basha ka reaguar lidhur me raportin e DASH mbi klimën e investimeve në Shqipëri. Ai shprehet se vetëm gjatë këtij viti, shifra e rënies së investimeve është 100 milionë euro dhe sipas tij, në 7 vite, në Shqipëri ka mbizotëruar klima e largimit të investitorëve strategjikë dhe seriozë.

■ Presidenti i Republikës Ilir Meta, i ka bërë sërish thirrje Qeverisë dhe Kuvendit të tërhiqet nga miratimi i ligjit “anti-shpifje”, i cili u kthye për rishqyrtim nga Komisioni i Venecias. Ai shprehet se paketa anti-shpifje bie në kundërshtim me disa parime, ndër të cilat ato të ndërtimit të një shteti demokrati, Jurisprudencën e Gjykatës Kushtetuese.

■ Partia Demokratike akuzon se drejtuesit e sotëm të Policisë së Shtetit janë anëtarë të ish-Sigurimit të Shtetit, duke publikuar dhe një listë me emra. Ish-deputeti Klevis Balliu tha se përfshirja në polici e oficerëve dhe bashkëpunëtorëve të Sigurimit të Shtetit enverist me mision shtypjen e lirisë dhe drejtave të njeriut është një akt antikushtetues dhe antiligjor.

■ Kryeministri Edi Rama i është përgjigjur akuzave të Partisë Demokratike lidhur me rastin e Manjola Cakonit, nëna e Alessios, e cila humbi bashkëshortin dhe vajzën nga tërmeti i 26 nëntorit. Në një video të publikuar në rrjetet sociale, Rama pretendon nëpërmjet dëshmive të të tjerëve dhe dokumenteve se e vërteta është krejt ndryshe.

■ Tri vaksina anti-COVID-19 të financuara nga ShBA kanë hyrë në fazën e tretë të testimeve, hapi i fundit drejt krijimit të një vaksine të sigurt dhe efektive para miratimit nga qeveria.

■ Ish-deputetja e PD-së, Albana Vokshi u shpreh se shkollat publike janë masivisht të papërgatitura për të përballuar pandeminë dhe se fëmijët dhe mësuesit janë në mëshirë të fatit. Sipas saj, shkolla 9-vjeçare “Jeronim De Rada” në kryeqytet ka 1/4 e stafit me COVID-19.

■ 4 viktima dhe 168 raste të reja janë shënuar nga COVID-19 në 24 orët e fundit në Shqipëri. Me rinisjen e vitit te ri shkollor, Ministria e Shëndetësisë iu ka bërë apel mësuesve, prindërve, nxënësve për respektimin e masave të sigurisë. Apeli nuk ka munguar as nga Ministria e Arsimit.

■ Shuhet në moshën 78-vjeçare për shkak të një ataku kardiak ish-ministri dhe mjeku kardiolog, Sabit Brokaj, Rama: Lamtumirë miku im! Balla: Drejtues trim i familjes socialiste.

■ I shtruar prej dy javësh tek Infektivi, COVID-19 i merr jetën historianit Llambo Filo. Presidenti Meta si një ish-student i tij, ka vlerësuar punën dhe kontributin e akademikut duke e përmbyllur mesazhin e ngushëllimit me: Lamtumirë i dashur Profesor!

■ Rama vizitë në Athinë në 15-16 shtator, reagon Mitsotakis: Pas forumit do flasim edhe për çështjen e detit!

■ Ftesa për takim në zyrat e Ministrisë së Financave, Liga e Profesionistëve refuzon propozimin e Fidel Yllit: Kërkesë për takim me Ramën në zyrat e qeverisë.