Analisti Preç Zogaj mendon se në Shqipëri duhet që të ketë zgjedhje të parakohshme, por ato duhet që të mbahen në kohën e duhur.
“Zgjedhjet e parakohshme janë të nevojshme në Shqipëri, duhet të analizojmë me profesionalizëm, të mos ecim kuturu, loja është e rëndë, duhet të shkojmë drejt zgjedhjeve për t’i fituar jo thjesht për t’i bërë, se nëse nuk i fitojmë zgjedhjet i zgjasim mandatin Ramës.
Nuk mund të shkojmë në zgjedhje pa një reformë zgjedhore që të mbyllë ca korridore manipulimi shkeljesh që janë reale, te numërimi, administrimi i zgjedhjeve janë një mori elementësh që kërkojnë të marrin formë përfundimtare, pastaj të fillojë të funksionojë reforma në drejtësi.
Fillimi i drejtësisë së re natyrshëm do të çojë në zgjedhje të parakohshme, duhet të startojmë nga vota e lirë.”, tha Preç Zogaj në Abc News.
Zogaj mendon se falë ndërkombëtarëve do të zgjidhet situata në Shqipëri.
“Kuadrin e zgjidhjes në nivelin makro e kanë dhënë ndërkombëtarët dhe nuk e lëviz kush”.
Financuar Nga Bashkimi Europian
