Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Prej 20 vitesh turiste profesioniste, Teuta Borova: Udhëtimin e kam në ADN

Politiko 27 Korrik 2017, 10:23

Mira Mrruku

Udhëtimet janë mënyra më e mirë për t’ju larguar sadopak nga rutina e përditshmërisë, çdokush përpiqet që t’i ofrojë mundësinë vetes që të bëjë udhëtime të paharrueshme të cilat lënë mbresa, duke u nisur që nga përzgjedhja e destinacioneve dhe atraksioneve që do vizitosh. S’mund të imagjinohet dot një zhvillim intelektual dhe pasurim shpirtëror, pa provuar ngjyrat e bukura që të jep kënaqësia e udhëtimit.

Teuta Borova është njëra prej nesh, e cila të udhëtuarit e ka kthyer në profesion. Ajo natyrshëm është kthyer në një pelegrine të botës. Prej 20 vitesh i ka kthyer udhëtimet në pjesën më të rëndësishme të jetës së saj dhe nuk resht për gjatë gjithë kohës së udhëtuari, valixhja e saj është gjithmonë gati për destinacionin radhës. Në një intervistë për “Politiko.al” ajo tregon detaje të shumta mbi udhëtimet e saj dhe mbresat që përfton prej tyre.

Teuta prej 20 vitesh ti je kthyer në një pelegrine të botës, çfarë ndjesie të jep kjo?

Udhëtimi është jeta ime. Ku ka më bukur së të njohësh botën. Është një mënyrë edukimi dhe investimi i mirë që gjithësecili i bën vetes. Personalisht unë e kam në ADN udhëtimin. Planeti është shtëpia ime!

Ju e cilësoni veten turiste profesioniste. Çfarë nënkupton kjo, cili është dallimi midis një turisti profesionist dhe një joprofesionisti?

Sigurisht në fillim ka nisur si dëshirë dhe si pa e kuptuar unë fillova të futesha në një ndjesi që mezi prisja të udhëtoja përsëri. Kështu fillon e kupton që kjo dëshirë, merr formën e profesionit, sepse gjithçka tio e organizon vetë. Që nga destinacionet që zgjedh, prepja e biletave, përzgjedhja hoteleve sa më komodo për xhepin dhe mundësitë që ti ke. Gjithashtu dhe atraksionet që do të vizitosh i zgjedh vetë dhe kështu rrjedhimisht nga udhëtimi ti mëson shumë sekrete për të udhëtuar sa më lirë dhe sa më mirë. Lexoj dhe di gjithçka për destinacionin që më pret. Besoj kjo bën dhe diferencen, nga një udhëtues i zakonshëm (joprofesionist).

Sa vende ke vizituar gjithësej?

Rreth 70 shtete. Afërsisht 150 qytete !!

Cilat nga vendet që ke vizituar të ka lënë më shumë mbresa dhe çfarë të ka impresionuar nga këto vende?

Spanja, jam e dashuruar deri në pafundësi me të, është solare, plot histori, art dhe arkitekturë që të mahnit. Ka njerëz të mrekullueshëm, kulinari, verëra, plazhe dhe ishuj të famshëm nga Majorka, Ibiza apo ishujt Canarie. Jo më kot është vlerësuar nga sondazhet si shteti më i bukur i Europës. Një tjetër vend impresionues është Singapori, i bukur deri në infinit për shijet e mia. Vazhdon për të katërtin vit radhazi të jetë vendi me standardin më të lartë në botë. Për të mos lënë pas dhe vendet skandinave të cilat janë magjepsëse me një super natyrë, pyje dhe liqene pafund.

Të udhëtosh kaq shumë, sigurisht që është dhe e kushtueshme. Si arrin t'ja dalësh mban?

Sigurisht që ka kosto, por një shprehje angleze thotë: “Smart mind save money” që do të thotë që një mendje e zgjuar kursen para. Nëse ti e njeh mirë këtë profesion, domethënë sekretet e të udhëtuarit, gjen me të vërtetë çmime që të krijojnë sa më shumë mundësinë për të udhëtuar sërish në vende të tjera. Kudo nëpër botë ka Low Cost. Lum kush di. Udhëtimi është çështje guximi, jo paraje!

Udhëtimet e tuaja fokusohen më shumë në Azi dhe Europë, pse kjo zgjedhje?

Po është e vërtetë që udhetimet e mija më të shumta janë në këto dy kontinente. Kjo për disa arsye. E para krenare që jam e lindur në kontinentin më të vjetër e më të bukur të botës siç është Europa. Djepi ku ka lindur gjithçka do thoja. Kontintent me mbi 40 shtete me gjuhë, traditë, kulturë dhe mentalitete të ndryshme. Me pak fjale plot diversitet. Azia është një tjetër dashuri, që mbart brenda vetes shtete gjigande, që më shumë ngjajnë si kontinent brenda kontinetit do të thoja unë, si Kina apo India. Me një Singapor, Tokio, Seoul, Hong Kong, Kuala Lumpur apo Dubai që janë në top listën e vendeve më të vizituara të botës dhe mbi të gjitha vende të sigurta.

Cilat jane vendet që të kanë mbetur pa vizituar?

Bota është e madhe deri në pafundësi dhe do më duheshin shumë jetë për ta vizituar të gjithën, mendoj unë. Fillimisht unë vizitoj vendet “the top”, ka shumë vende apo qytete që më impresionojnë dhe unë rikthehem aty për të disatën herë. Amerika Latinë apo shumë vende të tjera nuk janë të sigurta si vendet e lartpërmendura. Duke qenë se unë jam vetëm në udhëtimet e mija, bëj shumë kujdes në zgjedhjen e tyre. Megjithatë besoj se një ditë do të jem dhe në Peru, Chili, Argjentinë apo Uruguaj.

Sipas jush cilat janë destinacionet që njeriu duhet të vizitojë të paktën një herë në jetë?

Është vështire t’i përgjigjesh kësaj pyetje, sepse çdo destinacion është një vlerë dhe një dashuri më vete. Edhe pse me vështirësi po e jap një përgjigje sepse unë i dua të gjitha, megjithatë Maldivet, Sapnja, Bali apo Tokio janë destinacione që duhen vizituar të paktën njëherë në jetë.

Pse keni zgjedhur që të udhëtoni vetëm?

Pse udhëtoj vetëm... Ehhhhh... Shumë arsye. E para udhëtoj me lirinë dhe pasionet e mija. Je kudo vetëvetja. E dyta të udhëtuarit vetëm të krijon mundësinë të njohësh udhëtarë nga e gjithë bota me të njëjtin pasion, dhe ti ke mundësinë të shkëmbesh dhe të ndash eksperiencat e tua. Krijon shoqëri, miqësi me njerëz kudo nëpër botë.kjo është një pasuri tjetër që të dhurojnë ushëtimet. Do të doja ta mbyllja këtë intervistë me një thënie të Omar Khayyam që thotë: “Jeta është një udhëtim, kush udhëton jeton dy herë”.