Prerja e flokëve që identifikohet me tendencat e 2020-ës

Të paktën një herë të vetme në jetën tonë, i jemi nënshtruar tundimit për të prerë baluket. Baluket janë një zakon i bukurisë që na referon menjëherë në kinema dhe në mitet e modës si Jane Birkin dhe Brigitte Bardot, tek hijeshia e këtyre divave rebele që nuk dalin kurrë nga tendenca!

Lajm i mirë është se për ato që duan ta provojnë përsëri, baluket janë rikthyer më në modë se kurrë!

Sidomos gjatë pranverës së këtij viti, me shumë gjasë do i shihni kudo!

Të prera drejt, me një skaj më të gjatë, me anësore më të theksuara, me gjatësi mesatare apo të shkurtra fare, në versionin bob, zgjedhjet janë të shumta dhe të larmishme!

Ju sigurojmë që ky lloj modeli flokësh është rikthyer fuqishëm për të pushtuar look-un tuaj dhe për ta bërë atë sa më interesant, sezonin tjetër!