Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Presidenti Meta rrëzon kërkesën e Shahinit për shkarkimin e Mynyr Konit

Politiko 6 Maj 2019, 16:43

Presidenti Meta rrëzon kërkesën e Shahinit për shkarkimin e

Presidenti Ilir Meta ka rrëzuar propozimin e Ministres së Arsimit, Rinisë dhe Sportit, Besa Shahinit, për shkarkimin nga detyra të rektorit të Universitetit të Tiranës, Mynyr Koni.

Në faqen zyrtare të Presidencës Meta njofton se:

Në mbështetje të neneve 57 pika 7, 92/g, 93, të Kushtetutës, nenit 39, pika 8, 10 të ligjit nr.80/2015 “Për arsimin e lartë dhe kërkimin shkencor në institucionet e arsimit të lartë në Republikën e Shqipërisë”, ligjit nr. 44/2015 “Kodi i Procedurave Administrative i Republikës së Shqipërisë”, pasi shqyrtova propozimin e Ministrit të Arsimit, Sportit dhe Rinisë me nr.4158/2 prot., datë 12.04.2019, administruar në Institucionin e Presidentit të Republikës me nr.1169 prot., datë 15.04.2019,

Dekretoj;

Neni 1

Rrëzimin e propozimit nr.4158/2 prot, datë 12.04.2019, të Ministrit të Arsimit, Sportit dhe Rinisë, për shkarkimin nga detyra të Rektorit të Universitetit të Tiranës, z. Mynyr Koni, sipas arsyetimit bashkëlidhur këtij dekreti.

Neni 2

Vijimin e ushtrimit të detyrës nga Rektori i Universitetit të Tiranës, z. Mynyr Koni, sipas Dekretit të Presidentit të Republikës nr.9609, datë 26.05.2016.

Neni 3

Ky dekret hyn në fuqi menjëherë.

Nr. Dekreti 11183

Meta rendit arsyet se përse ka marrë këtë vendim. Ndërsa i përgjigjet kërkesës së Ministres Shahini;

"Presidenti i Republikës, vlerëson se në kushtet aktuale, bazuar në propozimin e bërë, marrja e një vendimi për shkarkimin e Rektorit të Universitetit të Tiranës, do të cenonte rëndë dhe, në tërësi, autonominë e institucioneve të arsimit të lartë dhe lirinë akademike të vendosur dhe të mbrojtur nga Kushtetuta, por dhe nga jurisprudenca e Gjykatës Kushtetuese, pasi ushtrimi i kompetencave kontrolluese nga Ministri i Arsimit në këtë rast për gjithë sa u parashtrua më sipër nuk është kryer në mënyrë objektive, shteruese, proporcionale dhe transparente".

Kujtojmë që Ministrja e Arsimit, Besa Shahini pezulloi nga detyra me 13 prill Rektorin e Universitetit të Tiranës, Mynyr Koni dhe i kërkon Presidentit Meta zyrtarisht shkarkimin e tij. Ajo dekalaroi se drejtuesi i univesitetit është bërë pengesë për zbatimin e ligjit të arsimit të lartë dhe nuk ka zgjidhur problemet e krijuara në institucionin që ai drejton.

“Unë nuk kam në dorë asnjë mjet ligjor për të zgjidhur ngërçin në Universitetin e Tiranës, përveç se të pezulloj Rektorin dhe të kërkoj nga Presidenti i Republikës shkarkimin e tij, që t’i hapim rrugë reformës së domosdoshme në Universitetin e Tiranës. Na duhet një frymë bashkëpunimi mes studentëve, pedagogëve e udhëheqësve të universitetit, udhëheqësve mes tyre apo edhe me ne si ministri, gjë që është bërë e pamundur në Universitetin e Tiranës”, shprehet Ministrja e Arsimit.

Ky vendim i Ministres Shahini ishte paralajmëruar nga Kryeministri Rama, i cili bëri përgjegjës Rektorin Koni për moszgjidhjen e problemeve të shfaqura nga studentët gjatë protestave të Dhjetorit. Rama e fajëson atë për shpërdorim të autonomisë së universitit, bllokim të sistemit elektronik dhe bibliotekës dixhitale, si dhe abuzime me kompetencat administrative që nuk i takojnë me ligj.