Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Prezantoi platformën anti-KÇK, Rama 'kërcënon' të vetët: Kush nuk e voton, do përjashtohet nga PS

Politiko 25 Nëntor 2019, 12:51

Prezantoi platformën anti-KÇK, Rama 'kërcënon'

Kryeministri Edi Rama ka prezantuar para socialistëve të mbledhur prej gati dy orësh në Art Turbina platformën anti –KÇK.

Ndërsa foli për çështje nga më të ndryshme si krimi, papunësia, integrimi në BE, akuzat e ndërsjella politike apo përplasja më e fundit me presidentin Meta, në fund ta fjalës, shefi i qeverisë prezantoi nismën për ligjin special.

Sipas Ramës, bëhet fjalë për të luftuar me ‘goditje vdekjeprurëse’ siç e theksoi ai, ‘organizatën kriminale me përbërje prej prokurorësh e gjykatësish që janë tutorë të krimit të organizuar’.

“Janë një kancer në sistem që me nisjen e vettingut ka hyrë në fazën e vet më agresive. Janë njerëz që dinë që s’kanë asnjë shans ta kalojnë.

Sot nuk e kanë jetën para, por kohën e mbetur deri kur të dalin para komisionit të vettingut. Moton e tyre kam dëgjuar nga ata: kap ca t’kapësh.

Rasti i Durrës është rast flagrant. Për fat të mirë e solli ngjarja, rastësia që në rastin e Durrësit u gjendën në një makinë, prokurori dhe një nga eksponentët e krimit të organizuar dhe në bagazh dokumentet e vjedhura të prokurorisë. Që për një kohë të gjatë i vendoseshin nga fronti kundër Reformës në Drejtësi, kurriz të Donika Prelës.

C’duhet të bëjmë në kushte të tilla?

Ka një paturpësi ekstreme për të fshehur gjurmët. Një kriminel merr peng hipotekën e Vlorës e policia nuk vepron se gjykata nuk vepron.

Sot është urgjente. KCK duhet vënë kufi shumë i qartë se jemi në kushtet kur një anëtar shkel ligjin askush nuk vepron.

Ndërkohë që duhet sqaruar se KLP dhe KLGJ të marrin masë për pezullimin dhe inspektimin lidhur me anëtarin përkatës të kësaj organizate.

Deri në krimin e plotë të SPAK, nëse nuk e bëjmë do bëhet nami në Shqipëri. Do kemi cdo javë shfaqje tërbimi në shkelje të ligjit. Nëse inspektimi vlerëson, se kanë shkelur ligjin mbi të të nisë procesi antimafia e të provojë nga i buron pasuria”, tha Rama, i cili u ndaj edhe te struktura OFL një grup i ngritur para 6 muajsh dhe është gati të nisë operacionin.

“Puna e kësaj njësie është e fokusuar te masat me karakter pasuror, ekonomik dhe personal.

Me karakter personal që nga ndalimi nga Shqipëria, deri te ndalimi i pajisjes me autorizim për aktivitete me karakter fitimprurës.

Me karakter pasuror, sekuestrimi i pasurisë dhe vendosja e barrës së provës mbi subjektet e ligjit. Ka barrën e provës po ashtu. Nëse nuk provohen, konfiskohen.

Me karakter ekonomik: Përjashtohen për marrjen e lejeve që jepen nga policia e shtetit dhe ministria.

Kush provon që pasurinë e ka subjekt të krimit shkon në burg. Antimafia italiane merr edhe pasuritë e të vdekurve”, u shpreh kryeministri, i cili lështoi një ultimatum për PS se kush nuk e voton do të përjashtohet automatikisht.

Po ashtu, Rama shtoi se për këtë ligj do të ngrihet edhe një njësi tjetër speciale që do përqendrohet te korrupsioni në gjithë sistemin qeverisës

"Ky do jetë akt normativ i qeverisë që do nënshkruhet të hënën, ndërsa disa ligje tjera do preken. Do ngremë njësi speciale kundër që do përqendrohet te korrupsioni në gjithë sistemin qeverisës. Askush nga ne nuk mund të mbajë në kurrizi asnjë person që e përdor mandatin e zyrën për përfitime nga të cilat fiton, por humbet familja jonë politike.

Do jetë në formën e task-Forcës, njësoj si Forca e ligjit. Do jetë me përbërje nga institucionet, pro që nuk janë të koordinuara prej 30 vitesh.

Do jetë si OFL ku bashkëpunimi në terren me partnerët është pjesë për korrupsionin shtetëror e privat. Për këtë duhet shtjellim më konkret në vijim", u shpreh kryeministri.