Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Prokuroria e Durrësit apelon lirimin e “bosit të drogës”, Alket Hatisë

Politiko 12 Korrik 2017, 12:47
Prokuroria e Durrësit apelon lirimin e “bosit të

Prokuroria e Durrësit ka apeluar vendimin e Gjykatës së Shkallës së Parë për lirimin e shtetasit Alket Hatija, i dënuar në Itali me 20 vite burg dhe i shpallur në kërkim ndërkombëtar nga autoritetet italiane. Gjykata e Durrësit vendosi një ditë më parë për lirimin e tij, ndërsa ishte arrestuar pak ditë më parë me kërkesë të drejtësisë italiane. Gjykatësi i Gjykatës së Durrësit, Petraq Curri, ka rrëzuar kërkesën e Prokurorisë që kërkoi 40 ditë burg për Hatijan, deri në ekstradimin e tij në Itali, ku është dënuar me 20 vite heqje lirie për trafik ndërkombëtar droge.  Ndaj Alket Hatisë u caktua masa e sigurisë “detyrim paraqitje”.  “Urdhërohet lirimi i menjëhershëm i tij”, thuhet në vendimin e marrë nga gjyqtari Petraq Curri. Pas kësaj, një ditë më pas Prokuroria e Durërsit e apelon vendimin e gjykatsit Curri.

Të përditshmet “La Reppublica”, “Il fatto quotidiano”, “Il Giorno” , Agjensia Ansa etj informuan se Alket Hatija 45 vjeç është një nga bosët më të mëdhenj të trafikut të drogës nga Shqipëria drejt Italisë.

Alket Hatija ishte shpallur prej vitesh person në kërkim dhe ndaj tij kishte shumë pak të dhëna. Kishte mbërritur për herë të parë në Itali në vitin 1997. Jetonte në komuën Campomarino në provincën e Campobassos në një banesë në rrugën Kennedy. Kishte punuar për pak kohë në bujqësi.

Sipas mediave italiane, hetimet e policisë italiane kanë vërtetuar se nga janari i vitit 2003 deri në mars të 2004, Alket Hatija kishte trafikuar në qytetin e Milanos rreth 350 kg heroinë e 190 kg kokainë me vlerë 35-40 milionë euro. Në prill të këtij viti, Gjykata e Milanos kishte marrë ndaj tij vendimin përfundimtar duke e dënuar me 20 vjet burg për trafik ndërkombëtar droge.  Sipas investigimeve, bashkëpunimi i Interpolit me Policinë shqiptare kishte mundur të identifikonte se Alket Hatija jetonte në një vilë luksoze me bunker në zonën e Beratit i rrethuar nga rojet personale të armatosura.

Të fundit