Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Propozimi/ Veliaj: Për 100 vjetorin e Tiranës të kemi monumente përkujtimi për të dënuarit politikë

Politiko 11 Dhjetor 2019, 18:44

Propozimi/ Veliaj: Për 100 vjetorin e Tiranës të kemi monumente

Kryebashkiaku Erion Veliaj propozon që në kryeqytet të krijohen hapësira reflektimi dhe monumente përkujtimi për nder të dënuarve politikë. Ai bëri të ditur se për 100-vjetorin e Tiranës në kryeqytet do të zhvillohet një konkurs për të pasur në hapësira publike të qytetit monumente përkujtimi ose hapësira të reflektimit.

Në ceremoninë e hapjes së ekspozitës "E shkuara e pakryer" me profile të të zhdukurve në diktaturë, që përshkruan përpjekjet dhe arritjet individuale e institucionale për identifikimin e gjetjen e vendvarrimeve dhe dhënien e dinjitetit të zhdukurve e familjeve të tyre, Veliaj prezantoi disa nga nismat që do të ndërmarrë Bashkia e Tiranës.

“Duke qenë se Tirana ka 100 vjetorin e të shpallurin kryeqytet vitin tjetër, ne do të duhet të shpallim një konkurs jo vetëm për këto vende por edhe për të pasur në hapësirat publike të qytetit ose monumentet e përkujtimit ose hapësira të reflektimit. Edhe unë besoj që Tirana i ka mundësitë tani që është zgjeruar në pafund në infrastrukturës si tek Bulevardi i Ri apo edhe disa sheshe të tjera”, u shpreh Veliaj.

Ai nënvizoi se brezi i sotëm ka nevojë që të mësojë nga ajo që ka ndodhur.

“Një brezi të ri që sot është në gjimnaz, që sot është në universitet që nuk ka pikë ideje dhe që komunizmi i duket sikur ka qenë një përrallë shumë e largët dhe jo diçka që ishte e gjeneratës tonë edhe që ishte një histori që nuk na e krijoi hasmi nga jashtë por ishin shqiptarë kundër shqiptarëve ky brez meriton ta dijë. Ndaj dhe ftesa ime të dashur miq është jo ti ulërasim njëri tjetrit, po ftesa ime është eja të ulemi kemi shumë punë për të bërë ashtu si duhet ti trajnojmë fëmijët si të sillen”.

Veliaj nënvizoi se garancia për këtë janë edhe reformat e ndërmarra si ministër ku ai së bashku me kryetaren e Autoritetit për Informimin mbi Dokumentet e ish-Sigurimit të Shtetit, Genta Sulaj do të fillonin procedurat për hapjen e dosjeve. “Unë me Gentën Kemi drejtuar një ministri e cila, shumë veta dyshonin, do të hapeshin apo jo dosjet. I provuam që po, kur ka vullnet ka një rrugëzgjidhje. Ne kishim vullnet dhe sot ka filluar një procedurë dhe ka një komision që merret me hapjen e dosjeve dhe jo pak dosje të atyre njerëzve që kanë shkaktuar shumë dëme e madje disa prej tyre janë penalizuar nga shumë procese të reja janë bërë prej këtij vullneti”, tha ai.

Kreu i Bashkisë u shpreh shumë prej atyre politikanëve që bënë për vite të tëra duke premtuar hapjen e dosjeve, nuk denjuan as ta votonin projektligjin në Kuvend.