Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Protesta/ Ambasadorja gjermane: Dhuna e papranueshme, palët të marrin përsipër përgjegjësitë

Politiko 21 Qershor 2019, 13:15
Protesta/ Ambasadorja gjermane: Dhuna e papranueshme, palët të marrin

Ambasadorja gjermane, Susanne Schütz ka reaguar në lidhje me protestën e opozitës që do të mbahet sonte në orën 20.00.

Schütz ka deklaruar se çdo lloj forme dhune është e papranueshme, ndërkohë që ka bërë thirrje për një protestë paqësore.

Gjithashtu, ambasadorja ka shprehur shqetësimin për trazirat e dhunshme në qytete të ndryshme të vendit, duke u bërë thirrje të gjitha palëve të marrin përsipër përgjegjësitë e tyre për vendin.

Ndërkohë kreu i opozitës Lulzim Basha, si dhe kryetarja e LSI-së, Monika Kryemadhi kanë deklaruar se protesta do të jetë paqësore.

Deklaratë e Ambasadores Gjermane  Susanne   Schütz

“Liria e tubimeve dhe e drejta për të demonstruar paqësisht janë kolonat e çdo demokracie. Ndërsa dhuna e çdo lloj forme është e papranueshme! Duke patur parasysh demonstratën e njoftuar për mbrëmjen e sotme u bëj thirrje të gjithë pjesëmarrësve të respektojnë ligjet në fuqi. Prej organizatorëve pres të angazhohen me të gjitha mundësitë për një zhvillim paqësor të protestës si dhe të jenë në lartësinë e përgjegjësisë së tyre përmes apelit publik për protesta paqësore.

Me shqetësim të madh jam duke ndjekur ditët e fundit edhe trazirat e dhunshme në vende të ndryshme të Shqipërisë. Një gjë është e qartë: mësymjet e dhunshme nuk janë mjete legjitime të përballjes politike.

U bëj thirrje me forcë të gjitha palëve të heqin dorë edhe nga sulmet verbale e të marrin përsipër përgjegjësitë e tyre për vendin.”

Të fundit