Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Protesta për Teatrin, Vetëvendosja: Një popull nuk i nënshtrohet një njeriu!

Politiko 18 Maj 2020, 21:58
Protesta për Teatrin, Vetëvendosja: Një popull nuk i

Lëvizja Vetëvendosje me qendër në Shqipëri ka reaguar pas protestës së sotme zhvilluar nga Aleanca për Mbrojtjen e Teatrit.

Në një shënim në Facebook VV bën me dije se përfaqësues të lëvizjes Shqipëri kërkuan publikisht rindërtimin e kësaj pasurie të trashëgimisë kulturore kombëtare, dhe  lirimin e menjëhershëm të qytetarëve që mbahen padrejtësisht të burgosu, mes të cilëve është edhe drejtori ekzekutiv i Lëvizjes VETËVENDOSJE! në Shqipëri, Boiken Abazi.

VV bën thirrje që qytetarët të mos i nënshtrohen qeverisë dhe vendimeve që vijnë pas.

Reagimi i plotë

Një popull nuk i nënshtrohet një njeriu!

Qytetarë, artistë dhe aktivistë të shoqërisë civile dolën sot në protestë kundër aktit barbar e kriminal të klikës në pushtet që shkatërroi më 17 maj, një ditë më parë, Teatrin Kombëtar. Aktivistët e Lëvizjes VETËVENDOSJE! në Shqipëri iu bashkuan protestuesve me qëllimin për të ndalur tjetërsimin e mëtejshëm të pronës publike të Teatrit. Ata kërkuan publikisht rindërtimin e kësaj pasurie të trashëgimisë kulturore kombëtare, sipas projektit origjinal arkitekturor dhe me kushte të brendshme moderne.

Protestuesit kërkuan lirimin e menjëhershëm të qytetarëve që mbahen padrejtësisht të burgosur. Ndaj një pjese prej tyre janë ngritur akuza të montuara politikisht. Midis tyre është edhe drejtori ekzekutiv i Lëvizjes VETËVENDOSJE! në Shqipëri, Boiken Abazi. Drejtësia duhet të hetojë dhe gjykojë dhunuesit e qytetarëve ditën për diell, shkatërruesit e pasurive kombëtare natën si dhe ata që dhanë urdhër për ndërhyrje me forca të armatosura në goditjen e ndërtesës bashkë me njerëz brenda.

Shteti nuk është as i kryeministrit dhe as i kryetarit të Bashkisë, por i qytetarëve. Kur përmes akteve të dhunshme arbitrare, shteti bie në dorë të oligarkëve shpërdorues dhe autokratëve, lind nevoja e ç’kapjes së tij përmes aksionit popullor.

Ata që sot rezistojnë, nesër fitojnë!

Tiranë, 18 maj 2020

Lëvizja VETËVENDOSJE!

Qendra në Shqipëri

Të fundit