PS rrëzoi dekretet e Metës, ish-deputeti i LSI ngre dy pyetje para votimit në Kuvend

Komisioni për Ekonominë dhe Financat rrëzoi dje katër dekretet e presidentit Ilir Meta, duke lënë në fuqi ligjin për koncesionet si dhe kontratat për rrugët Orikum-Dukat dhe Milot-Balldren.

Ish deputeti i LSI, Përparim Spahiu reagon duke kujtuar se në dy kontratat, çmimi i dakordësuar është miliona euro më i lartë se kostoja e projektit e publikuar nga vetë autoriteti kontraktor per konkurrim.

Madje, ai ngre edhe dy pyetje për deputetët para votimit në Kuvend.

“Argumenti bazë i dekreteve të Presidentit për kthimin e kontratave konçensionare/PPP, ishte akuza direkte për vjedhje në shuma të mëdha të fondeve publike.

16,784,906 euro për kontratën Porti i Jahteve – By Pass Orikum – Dukat dhe

52,165,040 euro për kontratën Milot – Balldren.

Pra, nuk po diskutojmë më kosto oportune, a ishte më mirë që keto para të shpenzoheshin në këto projekte apo diku tjetër dhe, as mungesën e një procesi konkurativ, ku për të njëjtën punë, kompani të tjera, mund të ofronin çmime më të ulëta.

Kujtoj dhe njëherë ri-tenderimin te Unaza, ku vetëm pse u përsërit gara, çmimi ishte 5 milion euro më pak.

Në të dy kontratat, çmimi i dakortësuar, është miliona euro më i lartë se kostoja e projektit e publikuar nga vetë autoriteti kontraktor per konkurrim.

Dy pyetje lindin sipas meje, e para:

A i shpëton HAJDUTET kalimi i dy kontratave me votë në Kuvend..???

Dhe e dyta:

A janë hajdutë fondesh dhe parlamentarët apo e votojnë thjeshtë se urdhërohen..???”, shkruan Spahiu.