Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Pse iu ngarkohet vetëm shqiptarëve mbrojtja e stabilitetit ballkanik?

Politiko 16 Shtator 2018, 21:04
Pse iu ngarkohet vetëm shqiptarëve mbrojtja e stabilitetit ballkanik?

Kim Mehmeti

Në Maqedoni nuk bëhet fjalë vetëm për emrin e shtetit, por edhe për ‘mbiemrin’ e ardhëm të vendit. Sa na përket neve shqiptarëve të Maqedonisë, fushata pro Referendumit për ndryshimin e emrit të vendit, ngjan nga pak e pakuptimtë dhe qesharake: na bindin të jemi pro NATO-s dhe pro BE-së, neve që ‘natyrshëm’ jemi populli më proamerikan dhe më proevropian në Ballkan. Madje shkaku i këtij përcaktimi tonë aq të theksuar, jemi të urryer nga një pjesë e madhe e serbëve dhe maqedonasve etnik.

Andaj duhet pasur kujdes sepse - në një Maqedoni që është bërë ‘Kazablankë’ e Ballkanit, ku përballen interesat dhe shërbimet e të fortëve të kësaj bote – fushata e para Referendumit, mund të merr përmasat e ’garës’ mes shqiptarëve properëndimorë dhe maqedonasve që kanë mbetur pezull mes ndjenjave të tyre proruse dhe atyre proevropiane! Me çka do thellohej edhe më shumë ndasia shqiptaro-maqedonase.

Ku ta dish, ndoshta kjo fushatë do kishte më shumë kuptim nëse maqedonasit do i përgjigjeshin pyetjes logjike, që e përcakton ‘mbiemrin’ e të ardhmes së tyre: Maqedonia Veriore e nënkupton ekzistencën e ‘Maqedonisë Jugore’ dhe andaj, nëse këta këtej do jenë verioromaqedonasit, e ata atje diku jugoromaqedonasit, atëherë cilët janë maqedonasit e vërtetë, me gjuhën e tyre maqedonase!?

E ne shqiptarët, do duhej t’i shpjegonim vetvetes si do silleshim, nëse faktori ndërkombëtar, do promovonte standarde të dyfishta: do lejonte ndryshimin e kufijve to Kosovës, vetëm hatri i një ‘autobusi’ serbësh, e do i betononte kufijtë shqiptaro-shqiptarë, në emër të ruajtjes së paqes në Ballkan?!

Pra duhet t’i përgjigjemi pyetjes, të cilës i ikin politikanët tanë: Pse na ngarkohet kjo përgjegjësi e madhe – të jemi përgjegjësit dhe mbrojtësit e vetëm të stabilitetit ballkanik?

Të fundit