Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Qëlloi mbi policinë shqiptare dhe refuzoi të dorëzohet, RENEA ekzekuton në aksion ekstremistin grek

Politiko 28 Tetor 2018, 15:45

Qëllohet për vdekje 35-vjeçari grek Kostandinos Kaçifa, i cili mëngjesin e sotëm qëlloi me armë zjarri mbi makinën e policisë në fshatin Bularat në Dropull të Gjirokastrës.

Pas këtij episodi, ai u largua nga vendi i ngjarjes, ndërsa është ndjekur prej mëngjesit nga forcat RENEA.

Policia njoftoi pak minuta më parë se pas rezistencës për t’u dorëzuar dhe në kushtet kur 35-vjeçari kishte zbrazur disa karikatorë ndaj RENEA-s në Depon e Ujit ku ishte fshehur, ai është qëlluar për vdekje.

Policia sqaroi se i riu grek u qëllua pasi kishte rrezikuar edhe jetën e banorëve, në zonën pranë Depos së Ujit në fhsatin Bularat.

Njoftimi i policisë:

Në vijim të informacionit të dhënë më parë në lidhje me ngjarjen e ndodhur në fshatin Bularat ku shtetasi Kostandinos Kaçifa ka qëlluar me armë zjarri në ajër e më pas mbi Policinë ju informojmë se:

Forcat RENEA janë vënë në ndjekje të tij. Në faqen e malit mbi depon e ujit të fshatit Bularat, shtetasi Kostandinos Kaçifa është lokalizuar nga forcat speciale.

Forcat RENEA i kanë bërë thirrje të hedhë armën dhe të dorëzohet, por shtetasi Kaçifa nuk i është përgjigjur thirrjes së herëpashershme të policise, por ka hapur zjarr me arme duke rrezikuar seriozisht jetën e efektiveve edhe për shkak të terrenit ku mundësia e mbrojtjes ishte e ulët.

Forcat RENEA janë kundërpërgjigjur dhe gjatë shkëmbimit të zjarrit ka mbetur i varë shtetasi K. Kaçifa.

Në vendngjarje ka mberritur grupi hetimor ku vijojnë veprimet e tjera, nen drejtimin e Prokurorise.

I riu grek është cilësuar si ekstremist i Agimit të Artë, siç duket edhe në fotot e më poshtme, ndërsa njihet edhe si njeri i stërvitur me armët e zjarrit, pasi ka qenë anëtar i Forcave Speciale Greke.

Kujtojmë se i riu qëlloi fillimisht me armë zjarri në ajër gjatë festës së Greqisë dhe më pas në drejtim të makinës së policisë, kur kjo e fundit mbërriti në vendin e ngjarjes pas të shtënave.

Kaçifa sipas policisë ishte nga fshati BUlarat në Gjirokastër, ndërsa kohët e fundit jetonte më shumë në Athinë se në këtë fshat.

“Greqi ose vdekje”, si e paralajmëroi autori në ‘Facebook’ sulmin me armë ndaj policisë shqiptare pesë ditë përpara

Të fundit