Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Qeveria e re 'Rama' dhe shembulli i 'Lady Gijotina'

Politiko 25 Janar 2019, 13:24

Tirana Times

Duke shqyrtuar performancën e shefit të ekzekutivit dhe të anëtarëve të rinj të kabinetit të tij, tani është e qartë se viti 2019 do të jetë viti i hartimit të mekanizmave, zgjedhjes së njerëzve dhe përsosjes së stileve, se si të shpëtojnë dhe të shmangen nga çdo formë përgjegjësie, qoftë ligjore ose politike, nga skandalet e shumta që shënuan fundin e vitit 2018.

Një mënyrë për ta bërë këtë, është duke emëruar punonjës besnikë, të cilët lehtësisht e marrin përsipër barrën, pasi nuk janë zgjedhur për të bërë asgjë.

Të marrim shembullin e kësaj jave. Ministrja e re e Infrastrukturës dhe Energjisë, ose siç mund të emërtohet me shaka “Lady Gijotina”, po mban konferenca të shumta brenda ditës, për të njoftuar dorëheqjet dhe shkarkimet e drejtuesve të departamenteve kryesore: të Portit të Durrësit, Agjencisë Kombëtare të Rrugëve dhe Transportit, Operatorit të Sistemit të Transmetimit, etj.

Një formë tjetër e largimit nga përgjegjësia është propozimi i ri legjislativ, i publikuar këtë javë, që synon t'i japë fund procedurave të dyshimta për lejimin e bizneseve për t'iu afruar qeverisë me projekte rrugësh të pakërkuara, të cilat janë të favorizuara në procedurat përkatëse të tenderit. I ashtuquajturi “fund i PPP-ve”, i parashikuar për në korrik 2019, me të cilin kjo qeveri ka qenë në një lidhje simbiotike prej së paku 1 miliard eurosh, mund të jetë befasuese, por është një lëvizje e mirë taktike. Propozimi legjislativ është legjitimuar me rekomandimet e institucioneve financiare ndërkombëtare, duke injoruar në mënyrë të përshtatshme presionin e qytetarëve kundër tyre. Pa dyshim që PPP do të lejohen në shumë sektorë të tjerë të tillë si energjia, transporti ajror dhe për të zbatuar “Paktin për Universitetin”, edhe në ndërtimin e kampuseve dhe auditoreve.

Dhe, në fund, gjesti i madh i mosrespektimit të përgjegjësisë erdhi në ceremoninë e transferimit në Ministrinë për Europën dhe Punët e Jashtme. Menjëherë pasi ish-ministri Bushati përfundoi fjalimin, Rama u ngjit në podium dhe tha se ky do të ishte fjalimi më i shkurtër në jetën e tij. Ai i transferoi të gjithë përgjegjësinë e Ministrisë dhe detyrën për të përfaqësuar Shqipërinë në arenën ndërkombëtare, Gent Cakajt, i cili u refuzua hapur nga Presidenti i Republikës për të njëjtën detyrë, dhe i cili fitoi zemërimin dhe përbuzjen e të gjithë ekspertëve për mungesat e kredencialeve të duhura. Buzëqeshja e tij në fjalimin e parë, i shqetësuar nga gjithë “stuhia” dhe sfida përkundrejt mangësive të tij të vërteta, tregoi se përbuzja ishte e merituar.

Kjo qeveri, deri tani, ka humbur të gjithë kuptimin dhe qëllimin e rolit të një ekzekutivi si një organ që nxjerr legjitimitet nga votat e shumicës dhe që mban përgjegjësi për programin politik. Ata lëvizin kaotikisht, të motivuar nga dëshira për të zgjatur jetën e pushtetit të tyre, të goditur nga korrupsioni dhe përzierja me krimin, të goditur nga pakënaqësia popullore dhe të goditur një milion herë nga babëzia e pafund e oligarkëve që ata kanë zgjedhur për t’iu shërbyer, në vend të zgjedhësve të tyre.

Me gjithçka që po shkon keq me ta, mund të pranojmë meritën e vetme të mbetur: që tani ata mund të japin disa mësime se si të shpëtojnë nga përgjegjësia e tyre politike.

*Titulli origjinal i editorialit: 'Mësime për t'i shpëtuar përgjegjësive politike'. Përktheu nga anglishtja për Politiko.al: Loneta Progni