Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Qeveria ndan 110 mijë euro për të vrarët e “21 janarit”

Politiko 29 Dhjetor 2017, 16:18
Qeveria ndan 110 mijë euro për të vrarët e “21

 Në mbledhjen e sotme të Qeverisë (29 dhjetor), është ekzekutuar vendimi i Gjykatës Evropiane për të Drejtat e Njeriut për familjarët e dy të vrarëve në 21 janar 2011.

Është vendosur që  brenda tre muajve do të ndahet një shumë prej 110 mijë eurosh, dhe se pjesa më e madhe do t’i jepen familjes Veizi.

Shumat do të ndahen konkretisht si më poshtë:

-        39 000 (tridhjetë e nëntë mijë) euro, për kërkuesen Ana Veizi;

-        39 000 ( tridhjetë e nëntë mijë) euro, për kërkuesin Klajdi Veizi;

-        15 600 (pesëmbëdhjetë mijë e gjashtëqind) euro, për kërkuesin  Zabit Deda;

-        15 600 (pesëmbëdhjetë mijë e gjashtëqind) euro, për kërkuesin Çaush Veizi,

Shumat në fjalë do të konvertohen në lekë dhe do të derdhen në një nga bankat e nivelit të dytë në emër të anketuesve, si detyrim ndaj vendimit të Gjykatës Evropiane për të Drejtat e Njeriut, datë 20.4.2017, për çështjen “Ana Veizi dhe të tjerë kundër Shqipërisë”.

 Ky dëmshpërblim bëhet "me qëllim mbulimin e çdo pretendimi në lidhje me çështjen përpara Gjykatës Evropiane për të Drejtat e Njeriut si dhe çdo pretendimi tjetër në lidhje me këtë ngjarje, si shpërblime të drejta për dëmin material e moral, së bashku me shumën prej 4 000 (katër mijë) eurosh, për të mbuluar të gjitha kostot dhe shpenzimet, duke i përjashtuar nga çdo taksë që mund të jetë e aplikueshme".

Ministria e Financave do të duhet të kryej pagesa brenda tre muajve, nga data që vendimi i gjykatës është bërë përfundimtar.

Vendimi hyn në fuqi menjëherë dhe botohet në “Fletoren zyrtare”.

Të fundit