Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Bullgaria bëhet qendër rajonale për furnizimin me gaz

Politiko 29 Prill 2022, 13:28

Bullgaria bëhet qendër rajonale për furnizimin me gaz

Një qendër rajonale koordinimi do të ngrihet në Bullgari për të menaxhuar përdorimin e përgjithshëm të infrastrukturës së gazit dhe energjisë elektrike dhe blerjet shtesë të gazit për Ballkanin dhe Italinë.

Lajmin e njoftoi zëvendëskryeministri dhe ministri i financave Asen Vassilev në Bruksel pas takimit me Presidenten e Komisionit të BE-së Ursula von der Leyen, raporton Euractiv. Bullgaria ka marrë mbështetje të fortë nga Komisioni Evropian për vendimin e saj për të refuzuar të paguajë Rusinë për gazin në rubla.

“Kemi kërkuar që infrastruktura bullgare të përdoret për shpërndarjen e gazit në rajon dhe do të përdoret për këtë qendër (për shpërndarjen e furnizimeve). Bullgaria jo vetëm që mund të sigurojë tre miliardë metër kub (bcm) gaz, por mund të sigurojë 17-20 miliardë metra kub gaz edhe për vendet e tjera evropiane”, tha Vassilev.

Bullgaria mund të përdorë gazsjellësin Transballkanik, i cili për 30 vjet transportonte gazin rus përmes Ukrainës në Evropën Juglindore. Kapaciteti i tij është 17 bcm, mund të ndryshojë rrjedhat e gazit dhe aktualisht nuk përdoret në kurriz të Rrjedhës Turke.

Gazsjellësi Transballkanik ka kapacitet dhe lidhje të mjaftueshme me rrjetet e vendeve fqinje për të luajtur një rol të rëndësishëm në çlirimin e rajonit nga varësia e gazit nga Rusia së bashku me interkonektorin e gazit bullgaro-grek.

Kapaciteti i Rrjedhës Transballkanike është rezervuar nga Gazprom, megjithëse nuk përdoret. Pas shkeljes së njëanshme të marrëveshjeve me Bullgarinë, vendi mund të kërkojë opsione ligjore me ndihmën e Komisionit Evropian për të çliruar kapacitetin e gazsjellësit.

Bullgaria po shqyrton mundësinë që kompania bullgare e gazit Bulgargaz të padisë Gazprom lidhur me furnizimet e pezulluara dhe sasitë alternative të gazit mund të jenë më të lira se ato ruse.

Të fundit