Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Eksperti: Dialogu Kosovë-Serbi duhet të ndërpritet, është farsë. Çfarë po përpiqet të bëjë Beogradi

Politiko 29 Prill 2022, 12:34

Eksperti: Dialogu Kosovë-Serbi duhet të ndërpritet,

Janusz Bugajski, njohës i çështjeve të Ballkanit Perëndimor, thotë se vazhdimi i dialogut Kosovë-Serbi është përpjekje për të arritur një marrëveshje do të pengojë Kosovën që t'i bashkohet institucioneve ndërkombëtare.

“Ka tre objektiva kryesore të sulmeve – të përpiqen ta mbajnë Kosovën të paqëndrueshme, t'i demonstrojnë BE-së se kufijtë e Kosovës mbeten të diskutueshëm dhe të testojnë reagimin e qeverisë në Prishtinë.

Në një moment, qeveria e Vuçiçit mund të përpiqet të përshkallëzojë sulmet për të testuar më tej reagimin e BE-së dhe NATO-s. Një reagim i dobët ose ai që kërkon disa kompromise të reja diplomatike do të shihet si një fitore për Beogradin",  tha ai, sipas mediave të huaja.

Qëndrimet diametralisht të kundërta të palëve në dialogun Kosovë-Serbi, thotë Bugajski, janë dëshmi se ky dialog tashmë ka dështuar dhe po kthehet në farsë.

Sipas tij, dialogu duhet të ndërpritet, pasi po përdoret vetëm si arsye për ta bërë Kosovën të ngathët për anëtarësim në organizatat ndërkombëtare.

“Duhet të jetë e qartë për të gjithë negociatorët se nuk ka kompromis mes pavarësisë dhe mospavarësisë së Kosovës. Pasi Serbia nuk do ta pranojë statusin përfundimtar të Kosovës si shtet i pavarur, dialogu duhet të ndërpritet. Ai thjesht përdoret si një re tymi nga Beogradi për të ngrirë përparimin e Kosovës në institucionet ndërkombëtare dhe për të gjeneruar konflikte. Për më tepër, Beogradi duhet të sanksionohet për mbështetjen e regjimit gjenocidal në Rusi dhe për kundërshtimin e politikave të BE-së”, u shpreh Bugajski.

Takimi i fundit në Bruksel për arritjen e një marrëveshjeje të re për targat dështoi, pasi pala serbe e kishte refuzuar marrëveshjen e re.

 

Të fundit