Flash News

Debutim i hidhur për Maran, Shqipëria mposhtet nga Izraeli

“Pelikanin kaçurrel, do ta sjellim në Surrel”, vogëlushja e përlotur mesazh Ramës nga protesta

Video/ Policia hedh ujë ndaj turmës, protesuesit çajnë gardhin metalik

Tragjedia në Shëngjin, humbin jetën 2 të rinj nga Kosova, 3 të tjerë përfundojnë në spital

U futën për t'u larë, 4 të rinj rrëmbehen nga dallgët te 'Rana e Hedhun', dyshohet për viktima

Rajoni

Gruaja shqiptare gjendet e vdekur në Ulqin, i dyshuar partneri nga Kosova. Policia: Pas krimit dogji banesën

Politiko 27 Maj 2026, 18:46

Gruaja shqiptare gjendet e vdekur në Ulqin, i dyshuar partneri nga Kosova.

Një ngjarje e rëndë ka tronditur qytetin e Ulqinit, ku një grua shqiptare është gjetur e pajetë brenda një banese të përfshirë nga flakët, ndërsa partneri i saj nga Kosova është arrestuar si i dyshuar për vrasjen e saj dhe më pas zjarrvënien e qëllimshme të shtëpisë.

Sipas mediave në Mal të Zi, i arrestuari është Bashkim Gashi, 46 vjeç, i cili dyshohet se fillimisht ka vrarë bashkëjetuesen e tij dhe më pas ka tentuar të fshehë gjurmët duke i vënë zjarrin banesës ku jetonin në zonën e Kodrës në Ulqin. Gjatë incidentit, ai ka pësuar edhe vetë lëndime nga flakët.

Policia malazeze është njoftuar rreth orës 00:30 për një zjarr në një shtëpi banimi dhe menjëherë ka ndërhyrë në vendngjarje, ku është konstatuar trupi i pajetë i një gruaje 36-vjeçare, e identifikuar me inicialet D.N., shtetase shqiptare.

Sipas hetimeve paraprake, dyshohet se krimi është kryer përpara se të vihej zjarri, me qëllim fshehjen e provave. Autoritetet kanë sekuestruar vendin e ngjarjes dhe kanë nisur hetimet për zbardhjen e plotë të rrethanave.

Trupi i viktimës është dërguar në Qendrën Klinike të Malit të Zi për ekspertizë mjeko-ligjore, ndërsa autopsia pritet të përcaktojë shkakun e saktë të vdekjes.

Të fundit