Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Kriza politike në Mal të Zi, presidenti: Mbështesim pakicën, por nuk do jemi në qeveri

Politiko 7 Shkurt 2022, 14:40

Kriza politike në Mal të Zi, presidenti: Mbështesim pakicën,

“DPS do të ofrojë mbështetje për qeverinë e pakicës”. Kështu deklaroi presidenti i Malit të Zi, Milo Gjukanivç, në një intervistë për Deutsche Ëelle.

"Ne do të mbështesim çdo qeveri që do të ruajë karakterin qytetar dhe laik të Malit të Zi, do të promovojë demokracinë multietnike dhe do të kontribuojë në zhvillimin dinamik ekonomik, në mënyrë që Mali i Zi, si një vend i zhvilluar demokratikisht dhe ekonomikisht, të jetë pjesë e Bashkimit Evropian në të ardhmen e afërt”, tha presidenti i Malit të Zi.

Ai pohon se vendi i tij tani është "në proces të konsolidimit të pushtetit” dhe se interesi më i madh i Malit të Zi është që sa më shpejt të ketë një qeveri të përgjegjshme.

Gjukanoviç tha se partia e tij i ka ofruar mbështetje qeverisë pakicë edhe pas zgjedhjeve të vitit të kaluar, duke besuar se "do të jetë shumë e rrezikshme për Malin e Zi, nëse koalicioni qeverisës bëhet kaq i varur nga nacionalizmi serbomadh".

Gjukanoviç pohoi se janë të gatshëm të mbështesin qeverinë e pakicës, por shtoi se nuk do të marrin pjesë në qeveri.

“Ne jemi të gatshëm të mbështesim qeverinë e pakicës pra, koalicionet që kanë natyrë qytetare, që duan të ndihmojnë Malin e Zi të ecë drejt Evropës. Ne jemi të gatshëm ta mbështesim një qeveri të tillë,por nuk do të marrim pjesë në të. Padyshim që u deshën 14 muaj përvojë të pasuksesshme si kjo për t'u kthyer tek propozimi ynë fillestar”, tha Gjukanoviç.

Presidenti malazez shtoi se vendi po përballet me agresionin serb.

"Mendoj se falë nesh, falë opozitës shtetformuese, Mali i Zi arriti t'i rezistojë ofensivës së Beogradit. Pas 30 gushtit përjetuam një ofensivë shumë agresive nga Beogradi. Nacionalizmi serbomadh nga Beogradi kuptoi se fitorja e të preferuarve të tyre hapi derën për një aneksim të ri të Malit të Zi, këtë herë përmes projektit "Bota Serbe". Kjo nuk ndodhi sepse kishim një opozitë me përgjegjësi shtetërore të drejtuar nga DPS”, tha Gjukanoviç.

Të fundit