Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Zyrtarja e KE: Vëmendje e veçantë për BP, liberalizimi i vizave për Kosovën, çështje javësh

Politiko 15 Nëntor 2022, 12:02

Zyrtarja e KE: Vëmendje e veçantë për BP, liberalizimi i

Ka një moment të ri për politikën e zgjerimit të Bashkimit Evropian, por ai po vjen në një situatë të vështirë gjeopolitike për shkak të luftës në Ukrainë dhe pasojave të saj.

Në të njëjtën kohë, BE ndjeu nevojën për të rindezur shpresën për anëtarësim të rajonit të Ballkanit Perëndimor dhe për të përmbushur premtimet e saj, siç e pamë me hapjen e negociatave të anëtarësimit me Shqipërinë dhe Maqedoninë e Veriut.

Nga ana tjetër, Serbia regjistroi për herë të parë një kthim prapa në përputhje me politikën e përbashkët të jashtme dhe të sigurisë të BE-së, e cila u shkaktua nga lidhjet e saj të veçanta me Rusinë.

Për perspektivën evropiane të Ballkanit Perëndimor në rrethanat aktuale dhe sfidat kryesore në rrugën e tyre drejt BE-së, Vessela Tcherneva, zëvendësdrejtoreshë e Këshillit Evropian për Marrëdhëniet me Jashtë dhe shefe e zyrës së ECFR-së në Sofje, ka folur për European Western Balkans.

E pyetur nëse lufta në Ukrainë do të ndikojë në pranimin e vendeve të Ballkanit Perëndimor në BE, Tcherneva tha se Bashkimi Evropian është ndërgjegjësuar se një partneritet me Ballkanin Perëndimor, do të shmangë ndikimin e Rusisë, Kinës dhe Turqisë.

“Padyshim që do të thotë se ka më shumë vëmendje në BE për Ballkanin Perëndimor dhe se disa procese që dukeshin të bllokuara në të kaluarën mund të ecin shumë më mirë tani. Kjo definitivisht do të thotë se vende edhe më skeptike janë bërë avokatë të rajonit. Për shembull, Franca: kujtojmë disa vite më parë Franca nuk ishte shumë e bindur se kjo ishte një ide e mirë. Tani Franca është një nga vendet në ballë.

Duke parë diskutimin për zgjerimin, mendoj se ka të bëjë shumë më pak me acquis communautaire ose me atë se si BE-ja dëshiron ta shohë veten në pesë ose dhjetë vjet. Ka të bëjë shumë më tepër me ndërgjegjësimin e saj gjeopolitik, që do të thotë se BE-ja e kupton se nëse nuk ka partneritet aktivisht me vendet e Ballkanit Perëndimor, ka një vakum që mbushet menjëherë nga aktorët e tretë, qartësisht nga Rusia, por edhe nga Kina dhe një masë nga Turqia. Mendoj se ky është një ndryshim i madh, se zgjerimi sot konsiderohet shumë më tepër si një mjet gjeopolitik se më pare”, tha Tcherneva.

Lidhur me dialogun Kosovë-Serbi, Tcherneva u shpreh se lufta ruse në Ukrainë është bërë pengesë për të dyja vendet. Ajo tha se nuk është e shëndetshme që të konsumohet kaq shumë çështja e Kosovës,

“Është bërë pak më e qartë se nuk mund të kemi një lloj konflikti të ngrirë kaq afër Evropës për një kohë të gjatë. Është padyshim një pengesë për zhvillimin e shoqërisë kosovare, por është edhe pengesë për shoqërinë serbe. Po dëgjoja sërish konferencën për shtyp të presidentit serb. Të shpenzosh kaq shumë kohë për çështjen e Kosovës thjesht nuk është e shëndetshme për shoqërinë. Janë çështje të tjera, gjërat që u interesojnë të rinjve, pensionistët, pjesa aktive e shoqërisë, sipërmarrësit, mësuesit. Të gjitha këto pjesë të shoqërisë kanë nevojë për vëmendje dhe debat publik. Largimi i vëmendjes së publikut nga këto çështje të rëndësishme është humbje e energjisë politike”, u shpreh Tchernerva.

Tcherneva tha se çështja e liberalizimit të vizave do të zgjidhet shumë shpejt duke shtuar se është vetëm çështje javësh.

“Po, por mendoj se liberalizimi i vizave ndoshta do të zgjidhet shumë shpejt. Unë me të vërtetë shpresoj se është çështje javësh dhe jo vitesh. Tani pyetja është se sa elitat politike të të dy vendeve mund të vazhdojnë të ulen në qoshet e tyre në vend që thjesht të shfrytëzojnë mundësinë”, shtoi ajo.