Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Rama 2"/Bejko: Sot Edi Rama ishte thjesht spikeri, veproi sipas testamentit të Ramiz Alisë

Politiko 27 Gusht 2017, 17:32
"Rama 2"/Bejko: Sot Edi Rama ishte thjesht spikeri, veproi sipas

Edhe kryetari i PD-së Gjirokastër, Roland Bejko, ka reaguar për qeverinë e re të Ramës. Ja postimi i tij:

“Ramiz Alia, si i fundmi diktator komunist i Shqipërisë vërtet ka ikur fizikisht nga kjo botë, por litarin e tashëgimisë së pushtetit e ka lënë si Nastradini jashtë varit të tij.  Dhe andej nga thellësitë e Hadit ( të errësirës) ku gjendet ai e lëshon dhe e tërheq litarin e pushtetit sipas rastit e sipas njerëzve. Varet nga rrethanat. Por varet edhe nga partitë. Kur në pushtet është PS, e tendos më shumë, kur është PD e tërheq herë pas here, për ndonjë “bir” a ndonjë “bijë” nga familja e vjetër komuniste.

Nëse mendon kush se Kryetari i Parlamentit, një ish ministër i brendshëm i diktaturës komuniste dhe anëtarët e kabinetin qeveritar, mes të cilave edhe e bija e njërit prej anëtarëve të byrosë politike famëkeqe të diktaturës, i emëroi Edi Rama me mendjen e vet, gabon rëndë.

Sot Edi Rama ishte thjesht spikeri. Një spiker me zërin që i drudhej, jo i qetë, nervoz, agresiv, gati i droguar. Ai është aty, të egzekutojë testamentin, pikë për pikë, me besnikëri të verbër ndaj Atit shpirtëror.

Hartuesi i vërtetë i listës është SISTEMI. Është BLLOKU, është “Kushtrimi i Brezave”, është dora e oligarkëve të Nushëve&Co, ish-komunistëve që u shndëruan brenda natës në kapitalistë dhe që operojnë pikë për pikë sipas testamentit të Ramizit në 1990-ën.

Po, po, po përmbushen pikë për pikë pikat e testamentit që ka lënë në sirtar Ramiz Alia. Është klubi i LANÇ-it, janë gjysëm opingarët që morën pushtetin në 1944 duke përmbysur me gjak elitën e pasur dhe ajkën intelektuale të këtij vendi, ata që bëjnë sot ligjin në këtë vend, që drejtojnë të gjitha pushtetet dhe që kontrollijnë 90 % të pasurisë kombëtare.

Po, po është ai SISTEM që ne për 27 vjet nuk e përmbysëm dot, nuk e zhbëmë dot, nuk e tjetërsuam dot. Madie i shërbyem, herë për interesa paraje, herë nga naiviteti, herë nga besimi, herë të gënjyer, dhe shumë herë, pse jo, nga idealizmi naiv për një demokraci par excellence…

Po po, nuk është Edi Rama ai që hartoi listat e kabinetit qeveritar dhe drejtimit të parlamentit.

Është Ramiz Alia me pasardhësit e klubit të tij. Janë ata që me duart e tyre të padukshme luajnë telat e kukullave politikë dhe ekonomikë në këtë skenën e qelbur të teatrit absurd që luhet për këtë spektatorin tonë naiv që e ha sapunin për djadhë, lehtësisht.

Sistemi politik në Shqipëri, është si rrjeta e MATRIX.

Nuk të lë të depërtosh brenda saj sado ta meritosh, sado të përpiqesh, sado i dobishëm të jesh, sado i aftë, profesionist, i moralshëm a i ndershëm qofsh. Sidomos po ishe i ndershëm, jo ishbashkëpuntor, jo ishspiun, jo me lidhje të forta me të shkuarën komuniste ti individi i thjesht shqiptar nuk ke asnjë shans. Përkundrazi, për ta ti je i rrezikshëm, i padëshiruar, i urryer, i huaj. Ka të tillë plot socialistë, por jo.Ky SISTEM i flak dhunshëm. Duhen pinjollët e bllokut në qeverim. Prandaj shqiptarët e theshtë po ikin përditë e më shumë nga ky vend sepse nuk kanë asnjë pikë pjekje me të.

Pushteti në Shqipëri është një sistem i mbyllur, i kontrolluar, nepotik,i trashëgeshëm.. i KRIMINALIZUAR !

Kjo është sfida e re për Lulzim Bashën.

■ NDARJA E QARTË NGA TRASHËGIMIA KOMUNISTE E RAMIZ ALISË!

NDARJE DHE DISTANCIM I QARTË NGA TRASHËGIMIA E PRAKTIKAVE TË REKRUTIMIT NË NIVELE TË LARTA BRENDA PD-SË TË PINJOLLËVE QË VIJNË NGA TRASHËGIMIA E SIGURIMIT TË SHTETIT DHE DREJTUESVE TË LARTË TË NOMEKLATURËS TË LIDHUR SOT ME OLIGARKËT QË I FINANCOJNË HAPUR ME PARA DHE MEDIA.

■ KONSIDERIMI I TYRE NGA PD SI KUNDËRSHTARË TË PËRJETSHËM.

Ndryshe Shqipëria do jetë pengu i përjetshëm i pinjollëve, dhe brenga e përjetshme e çdo shqiptari që mezi e shtyn jetën nën thundrën e tyre këtu a në arati qofshin.

Kjo që ndodhi sot, është pushkatimi i dytë i viktimave të diktaturës, është gjithashtu një shpullë e rëndë për të gjithë ne që besuam në vitet 90-të se me rënien e bustit, fitoren e pluralizmit politik dhe fjalën e “lirë” shembëm komunizmin. Gjenerata e ’90-ës e humbi shansin për të jetuar të lirë në një Shqipëri demokratike.

Sot për fajet tona, po marim në qafë dhe fëmijët tanë, gjeneratën tjetër, duke i lënë “të qeverisen” nga të njëjtët pinjollë.

Tani ne si opozitë duhet të bëjmë shpejt e shpejt disa gjëra:

  1. T’ju kërkojmë ndjesë fëmijëve tanë që e lamë fatin e së ardhmes së tyre në duart e përgjakura të pinjollëve komunistë.

  2. Të hartojmë urgjent strategjinë e përmbysjes së tyre me të gjitha mjetet demokratike.

  3. T’ju heqim mundësinë e rëmbimit të votës që ndërtuan strategët e tyre në zgjedhjet e fundit për të mos u ndëshkuar më sërish në zgjedhjet e rradhës.

  4. Të hartojmë një program të djathtë, përfaqësues të shtresave që mbështesin dhe shpresojnë te PD si një akt besimi me elektoratin shqiptar.

  5. Të demokratizohet PD duke nxitur garën e hapur dhe meritokracinë, si njësi motivimi në sistemin e saj të brendshëm. Etj, etj.

Me gafat e tij, Edi Rama na i bën më të lehtë opozitarizmin.

Të fundit