Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama është thjesht një simptomë. 'E sëmundjes së kuqe'

Politiko 24 Tetor 2017, 20:06

Rama është thjesht një simptomë. 'E sëmundjes

Red Varaku

Kriza me të cilën përballemi sot është pasojë e një lloj “ Komunizmi i Ri”, i cili ka ardhur në pushtet përmes një grushti shteti të drejtuar nga klane me origjinë kriminale të majtë, e cila përmes një strategjie okulte, për 27 vjet, arriti të ngjitej dhe kapte drejtimin e vendit. Pikërisht këto klane denoncoi edhe ambasadori amerikan, Donald Lu, i cili si asnjëherë më parë, iu drejtua popullit shqiptar me thirrjen që ta rrëzonte këtë klan të korruptuar dhe të marrë në dorë fatet e tij.

Katër klanet në fakt përbëjnë kupolën drejtuese sot në vendin tonë. Kjo krizë e ka zanafillën që në vitet e para të vendosjes së sistemit demokratik në Shqipëri. Nëpërmjet këtij grushti shteti janë rikthyer në pushtet pikërisht ata të cilët e dhunuan dhe grabitën këtë popull për 45 vjet, dhe kjo gjë tashmë nuk ka nevojë të argumentohet sepse prania e këtyre klaneve është e qartë dhe madje e pranuar gjerësisht. Si pasojë e këtij grushti shteti kemi një shtet të gjunjëzuar dhe dorëzuar krejtësisht, institucione të rrënuara pa asnjë rol, një sistem zgjedhor tërësisht të kapur dhe korruptuar dhe kriminelë të cilët përdoren nga kjo elitë si kamzhik për qytetarët.

Si ndodhi që ramë përsëri nën regjimin despotik të kupolës së kuqe? Cilat janë arsyet që na rikthyen hijet e zeza të regjimit të vjetër? Së pari, raporti i gabuar që ne ndërtuam me krimet e përbindshme të komunizmit, pas persekutimit dhe asgjësimit të një elite me një profil perëndimor, pas vrasjeve të dokumentuara dhe të padokumentuara, përdhunimeve masive , burgosjeve të disidentëve shqiptarë.

Së dyti ,”krijimi” nga hiçi i një grupi oligarkësh të korruptuar, të cilët kanë nën kontroll tashmë shtypin, gjykatat, universitetet si dhe kanë “pushtuar” tërësisht edhe partinë kryesore të mazhorancës. Së treti, dhuna policore dhe burgosja masive e të varfërve dhe të pamundurve për t'i gjunjëzuar dhe nënshtruar ata tërësisht dhe vendosjen në krye të qyteteve të banditëve dhe gangsterëve me nam për agresivitetin e tyre ekstrem, për t'i poshtëruar ata edhe më shumë.

Së katërti, dorëzimi i të drejtave kushtetuese, ndër to më e rëndësishmja, e drejta për zgjedhje të lira dhe të ndershme, ku paratë e korrupsionit dhe kanabisit u përdorën për të blerë zgjedhjet, për të sulmuar mediatikisht cilindo që guxonte të kundërshtonte këtë kupolë, duke krijuar ngjarje për të devijuar vëmendjen e publikut, duke e kthyer në tallje dhe shaka çdo përpjekje për një debat serioz politik.

Edhe pse shumë e mohojnë dhe injorojnë, fakti është që pas Luftës së dytë Botërore ky vend u ndërtua mbi gjakun dhe persekutimin e mijëra familjeve të nderuara shqiptare, një lloj genocidi dhe “ holokausti” komunist i padëgjuar më parë dhe për këtë ne nuk patëm një qëndrim, një falje a një vrasje ndërgjegje. Këta njerëz, nderi i të cilëve u nëpërkëmb, gjaku i tyre u shkel me këmbë me neveri, u injoruan dhe u harruan, nuk do të na e falin kurrë. Kjo kupolë kriminale përmes një strategjie okulte dhe afatgjatë, të hartuar deri në imtësitë më të parëndësishme, nga mendjet më djallëzore, për shkak të frikës që prodhon vetë ideja e demokracisë, nisi minimin e demokracisë dhe shkatërrimin e saj, duke e izoluar qytetarin nga qeverisja, pra duke i hequr atij të drejtën për të zgjedhur, dhe duke ia dhuruar pushtetin të përzgjedhurit të tyre të radhës përmes dhunës dhe represionit.

Dhuna është një fakt dhe realitet i të majtës në Shqipëri Ajo është pranuar, toleruar dhe madje përkrahur nga shumica për të shtypur disidentët dhe kundështarët e regjimit, “armiqtë e popullit”. Është e qartë që kur institucionet demokratike pushojnë së egzistuari vendin e tyre e zënë despotët, teoritë konspirative, milionerët, klloun-humoristët dhe proto- fashistët. Kjo gjë krijon një mjedis për persekutimin dhe degjenerimin publik të kujtdo i cili e kritikon këtë realitet sepse pushteti despotik e ka të nevojshëm iluzionin që krijon normaliteti dhe rregulli.

Në Romën e lashtë perandorët përdornin “bukën” dhe Koloseun për të mbajtur popullin të nënshtruar ndërsa në Shqipëri kërcënimin me “ bukën e gojës” dhe instalacionet vezulluese. Rama, një turp sot edhe për vetë të majtën dhe socialistët e ndershëm, është thjesht një simptomë. Ai mund të detyrohet të japë dorëheqjen dhe kësisoj t’ia lërë vendin ndonjë përfaqësuesi tjetër të kupolës, por ky akt nuk do të ishte veç një grusht shteti “ brenda pallatit”, dhe nuk do të bënte tjetër vetëm se do të konsolidonte fuqinë e kësaj kupole kriminale dhe do të shtonte masat e brendshme të represionit ndaj popullit të pafajshëm.