Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama i kërcënoi, akademikët e “provokojnë” me letrën e Agollit

Politiko 5 Shtator 2017, 17:10
Rama i kërcënoi, akademikët e “provokojnë” me

Kryeministri Edi Rama ditën e djeshme kërcënoi akademikët se nëqoftëse nuk reformohet, Akademia e Shkencave nuk do marrë më asnjë qindarkë nga buxheti e do të duhet të dorëzojë godinën.

Mirëpo, akademikët e kanë “provokuar” kryeministrin me anë të një letre të Dritëro Agollit, me të cilin Rama konsultohej shpeshherë për çështje të rëndësishme.

Në faqen e Akademisë së Shkencave akademikët kanë publikuar letrën e Agollit, i cili thekson se Akademia e Shkencave është kombëtare dhe jo qeveritare.

Akademiku në letrën e tij, ndër të tjera thekson se “reforma është çështje mendimi dhe projekti” dhe se “akademia ka njerëz me mend që mund ta bëjnë vetë reformën, prandaj duhen dëgjuar si thonë ata”.

LETRA E PLOTË E DRITËRO AGOLIT, PUBLIKUAR NGA AKADEMIA E SHKENCAVE:

Amaneti i fundit i akademikut Dritero AGOLLI për Akademinë e Shkencave.

"Akademia e shkencave nuk është çështje qeveritare, ajo është çështje kombëtare".

Akademia e Shkencave është një institucion që duhet të forcohet, jo të dobësohet. 

Është e gabuar të mendohet se Akademia jonë është një trashëgimi e së shkuarës. 

Ajo u themelua nga dijetarë të mëdhenj, që ishin formuar në universitete me emër. 

Akademia e Shkencave gjithnjë ka pasur njerëz të zotë, të ditur e të mençëm. Çdo diskutim, çdo reformë, është me vend vetëm nëse merret për ta bërë Akademinë e Shkencave më të mirë, më të suksesshme. 

Shihni çfarë po bëjnë vendet fqinje. 

A po e dobësojnë apo po e fuqizojnë akademinë e tyre të shkencave maqedonasit, grekët, serbët, malazezët?

Edhe Kosova po e fuqizon akademinë e vet dhe mirë bën. 

Popujt që nuk e kanë bërë ende të njohur plotësisht veten në Europë e në botë akademitë detyrimisht duhet t’i ruajnë e t’i forcojnë. 

Po të më pyesnin mua, unë do të thoja se Akademia e Shkencave jo vetëm duhet të bëhet më e suksesshme, por duhet ngarkuar me detyra. 

Ka shumë pyetje të cilave qeveria nuk mund t’u japë vetë përgjigje. Atëherë kujt do t’ia kërkojë përgjigjen?

Reforma është çështje mendimi dhe projekti, jo çështje numrash.

Unë besoj se Akademia e Shkencave ka njerëz me mend që mund ta bëjnë vetë reformën, prandaj duhen dëgjuar si thonë ata, sepse ata e dinë më mirë si mund të ndryshojë gjendja dhe si mund të jetë më e dobishme për vendin. Duhet një reformë që të kemi një akademi më dinjitoze. Dhe kur them kështu kuptoj se Akademia është mpakur e rrudhur më shumë për shkak të qendrimeve të pamençme në reformat politike, se për fajin e vet. Sigurisht Akademia duhet të lëvizë, duhet të bëhet më e gjallë, më energjike, por më parë të bëjmë pyetjen pse nuk është ashtu si e duam.

Pse është zvogëluar Akademia jonë?

Kjo pyetje duhet të na shqetësojë. 

Do të ishte një gabim i madh të bëheshin reforma për ta zvogëluar akoma. 

Shkenca shqiptare ka shumë kundërshtarë, tezat e kësaj shkence nuk mund të braktisen, të lihen jetime. 

Përkundrazi, Akademia vetë duhet të lëvizë, të përtërihet, të gjallërohet, dhe qeveria duhet ta mbrojë, ta mbështesë, ta dëgjojë, ta përfillë. 

T’i kërkohet përgjegjësi Akademisë për të ndryshuar pozitivisht, por mendimi për ta kufizuar rolin e saj dhe aq më keq për ta zhbërë nuk duhet t’i shkojë askujt në mend. 

Akademia e Shkencave nuk është një çështje qeveritare, është çështje kombëtare.

 

Të fundit