Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama: Marrëveshja e 5 qershorit nuk griset edhe pse s'më pëlqen

Politiko 16 Korrik 2020, 13:00
Rama: Marrëveshja e 5 qershorit nuk griset edhe pse s'më

Kryeministri Rama nga foltorja e Kuvendit tha se qeveria i qëndron plotësisht marrëveshjes së 5 qershorit pavarësisht kërkesave dhe qëndrimeve të opozitës parlamentare.

Ai shtoi se PS do t’i qëndrojë deri në fund hapjes së listave, ndërsa shtoi se detajet e tjera do diskutohen më vonë.

Kryeministri nuk kurseu as ironitë ndaj opozitës parlamentare, për të cilët tha se janë mësuar të bërtasin sepse kanë qenë përherë pakicë, por është koha që të gjithë të japin një leksion demokracie.

“Më vjen keq që Murrizi ka të drejtë, më vjen po ashtu keq nëse ‘sdo kuptojë që jemi në ushtrimin e artit të së mundurës. Është e pamundur për ne të grisim marrëveshjen e 5 qershorit. Sepse është e nevojshme që në spektrin politik të gjithë të jenë pjesë e procesit.

Ti Myslym dhe Partia nga vini keni një mijë huqe të trashëguar që i doni të gjitha. Jeni mësuar që po të bërtasësh shumë e po të vesh kushte do marrësh diçka më shumë se ajo që të takon. E kuptoj është zakoni i të voglit. Keni qenë përherë pakicë.

Më mirë herët sa vonë marrëveshjen e 5 qershorit duhet të gjejmë rrugën e të vijmë. Ne nuk e bëjmë hapjen e listave se po na i impononi ju.

Është në nderin e një qeverie që të jetë e gatshme të ndryshojë e të vejë të vërtetën mbi kokëfortësinë e qëndrimin  statik. Kështu i japim njëri-tjetrit një mësim demokracie për të gjithë. Duhet të konsiderojmë mosprekjen e marrëveshjes së 5 qershorit. E them këtë duke e përsëritur mua marrëveshja e 5 qershorit nuk më pëlqen dhe ka një problem të madh që nuk kemi arritur dot të adresojmë rekomandimin kryesor të OSBE/ODIHR që është i përsëritur thuajse në të gjitha raportet depolitizimi i administratës zgjedhore. 

Ne do ti qëndrojmë deri në fund asaj që kemi vendosur me konsensus në komisionin e ligjeve. Do ti hapim listat. Detajet e tjera do i diskutojmë më vonë”, tha Rama.

Të fundit