Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama në Gjirokastër, drejtorët përballë gjyqit popullor

Politiko 28 Korrik 2017, 18:33
Rama në Gjirokastër, drejtorët përballë gjyqit popullor

Kryeministri Edi Rama po vijon takimet sot pasdite në Gjirokastër, me dëgjesën publike me banorë të këtij qarku. Takimi zhvillohet në orën 17:30 në sheshin pranë gjimnazit ‘Siri Shapllo’. Sikundër kemi vënë re gjatë këtij muaji, dëgjeset publike në qytete të tjera të vendit janë shndërruar në një lloj ‘gjyqi’ publik për drejtuesit e disa institucioneve. Qytetarët i tregojnë me radhë Kryeministrit problemet kryesisht me administratën, praktikat negative që kanë ndeshur me drejtuesit etj. Rama e shfrytëzon këtë moment për të dhënë ultimatume ndaj drejtuesve. Këtë pamë në dëgjesën publike në Berat, Vlorë, Shkodër, Lezhë etj.

Drejtorët “demaskohen” nga qytetarët që kanë ankesa të shumta.  Megjithatë dihet që PS në Gjirokastër drejton pak institucione pasi shumica ishte dhënë si pjesë e tepsisë për LSI-në. Më të ekspozuar për t’u denoncuar nga qytetarët janë drejtori i ALUIZNI-t, drejtori i Shërbimeve të Transportit Rrugor, drejtori i OSHEE-se, drejtori i Rajonal i Arsimit, drejtori i Inspektoriatit Rajonal Shtetëror Shëndetësor, si dhe drejtori i Spitalit Rajonal apo i Hipotekës.

Ky i fundit, Meleq Karabina, sot dha dorëheqjen pas ultimatumit të Ramës një ditë më parë. Ajo që duhet të bëjnë drejtorët përpara takimit, është t’i hedhin një sy të gjithë praktikave të punës që kanë kaluar në dorë, të ‘shoshitin’ çdo rast të mundshëm problematik që kanë hasur, për të qenë të përgatitur në rast se Rama u kërkon të japin llogari para kamerave. Sidoqoftë të presim takimin e sotëm për të mësuar më shumë.

Të fundit