Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama në Zvicër, nënshkruhen dy marrëveshje

Politiko 31 Mars 2017, 14:28
Rama në Zvicër, nënshkruhen dy marrëveshje

Presidentja e Konfederatës së Zvicrës, Doris Leuthard, priti sot në takim kryeministrin e Shqipërisë, Edi Rama, me të cilin bisedoi për intensifikimin e marrëdhënieve mes dy vendeve.

Gjatë qëndrimit në Bernë, në kuadër të një vizite zyrtare, kryeministri Rama i shoqëruar edhe nga ambasadori shqiptar në Zvicër, Ilir Gjoni, zhvilluan një sërë takimesh, duke filluar nga Presidentja Leuthard, njëherësh ministre e Departamenti Federal të Mjedisit, Transportit, energjisë dhe komunikimit si dhe me personalitete të tjera nga qeveria zvicerane.

Sipas agjencisë së lajmeve “Presheva jonë” në Zvicër, kjo është hera e parë që nga viti 1994 që kur një kryeministër shqiptar ndodhet për vizitë në Zvicër.

Marrëdhëniet politike dhe ekonomike mes dy vendeve dhe situata në Ballkanin Perëndimor ishin në qendër të diskutimeve. Të dyja palët theksuan gatishmërinë e tyre për të vazhduar për të forcuar lidhjet ndërmjet Zvicrës dhe Shqipërisë, të cilat janë rritur më shumë gjatë viteve të fundit.

Kryeministri Rama falënderoi Zvicrën për mbështetjen dhe përkujdesjen e treguar ndaj emigrantëve shqiptarë, numri i të cilëve është rreth 250 mijë.

Kryeministri Rama i shprehu Presidentes Leuthard mirënjohjen për kontributin e gjithhershëm që Zvicra i ka dhënë Shqipërisë e sidomos për mbështetjen e dhënë në tre vitet e fundit, posaçërisht për suksesin e reformës administrativo-territoriale.

Presidentja Leuthard theksoi si mjaft të dobishëm për zhvillimin e mëtejshëm të marrëdhënieve mes dy vendeve, faktin që kjo është vizita e parë një kryeministri shqiptar në Zvicër, që pas vitit ’90-të.

Gjatë takimit që u mbajt sot u nënshkruan edhe dy marrëveshje me një shumë prej 10 milionë franga për projekte në fushën e formimit profesional dhe ajo për zhvillimin rajonal.

Diskutimet u përqëndruan gjithashtu në reformën gjyqësore, i cili gjithashtu synon të përmirësojë klimën e investimeve në Shqipëri, bashkëpunimin në migrimit, bashkëpunimit policor dhe situatën në Ballkanin Perëndimor.

Në këtë vizitë, Kryeministri shoqërohet nga ministrja e Arsimit, Lindita Nikolla, ministrja e Mirëqenies Sociale dhe Rinisë, Olta Xhaxhçka, ministrja e Zhvillimit Urban, Englantina Gjermeni dhe kryetari i Bashkisë së Durrësit Vangjush Dako.

Të fundit