Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama prezanton platformën dixhitale: Cdo anëtar do të japë vlerësimin e tij për kandidatët deputetë

Politiko 4 Tetor 2020, 12:02

Rama prezanton platformën dixhitale: Cdo anëtar do të japë

Kryeminisatri Edi Rama ka prezantuar këtë të dielë platformën online të komunikimit brenda Partisë Socialiste. Sipas tij, kjo do të lidhë në kohë reale të gjithë anëtarët e PS-së për të biseduar mbi mbarëvajtjen e partisë dhe cdo kush që do të ketë akses në këtë platformë mund të marrë pjesë në të gjitha proceset, që nga vlerësimi i deputetëve deri tek diskutimet e brendshme.

Përmes një konferencë për shtyp ai shprehet se ky hap do të kurorëzohet më 25 prill, ku jeta e partisë do të gjallërohet dhe do të marrë një hov të ri.

“Hapim platformën digjitale e cila krijon një hapësirë të përbashkët të një komunikimi shumë të shpejtë brenda familjes sonë politike, ku çdo anëtar ka akses përmes një celësi personal dixhital në këtë platformë dhe mund të marr pjesë në të gjitha proceset brenda platformës, që nga vlerësimi i deputetëve te diskutimet e brendshme, proceset e ndërveprimeve në funksion të marrjes në kohë reale të informacionit nga qendra, të shkëmbimit në kohë reale të informacioneve nga qendra, të ndjekjes së aktiviteteve përmes telefonit apo kompjuterit dhe të pasjes mundësisë për të adresuar drejtpërdrejtë deputetin apo kryetarin e paritsë ose strukturat e tjera. Është një hap i parë i cili do të ndiqet nga hapa të tjerë sipas një plani që kurorëzohet në 25 prill, por procesi dhe ndërverpimi vazhdon edhe më tej. Duam që e gjithë jeta e partisë të marrë një hov të ri dhe të gjallërohet më tej pa pasur nevojë të pritet mbledhja e radhës apo lajme nga kanale të tjera. Partia Socialiste është shumë më e madhe se sa anëtarësia e saj, ka një mbështetje disa fish më shumë se sa anëtarësia, por është anëtarësia që ka barrën të bëjë urën mes partisë dhe publikut. Si platformë është një mekanizëm që rrit respektin për çdo anëtar të partisë sonë politike dhe sigurisht që ky është hapi i parë, pasi duam që modernizimi i ndërveprimeve dixhitale të shkojë më larg se kaq, pasi duam të përfshihen jo vetëm anëtarët e partisë në Shqipëri por edhe jashtë. Të gjithëve do t’u shkojë një letër e personalizuar me postë, me çelësin përkatës individual për të aksesuar platformën dhe presim të ketë një intenifikim të marrëdhënies me përfaqësuesit. Ne do të bëjmë këtë proces për të dëgjuar cdo anëtar partie lidhur me deputetët në qarkun e evtë. Ata do të japin vlerësim me pikë nga 1-5. Do të na ndihmojnë shumë për krijimin e skuadrës që do të fitojë në 25 prill. Në ditët në vijim do të hapim një proces tjetër, përmes platformës të PS, i ndarë në dy grupe, jo vetëm për anëtarësinë e PS, por për të gjihë publikun, lidhur me deputetët që njerëzit duan. Do t’u japim mundësi të gjithëve të japin opinione lidhur me figura që gëzojnë respekt dhe kanë mbështetje në komunitete të ndryshme”, tha Rama.