Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Rama: Pse mbyllja e shkollave nuk ishte opsion; nga hapja pritet rritje të infeksioneve

Politiko 1 Shtator 2020, 13:20
Rama: Pse mbyllja e shkollave nuk ishte opsion; nga hapja pritet rritje të

Kryeministri Edi Rama ka dhënë detaje në një mbledhje online me drejtuesit e Drejtorive Rajonale dhe zyrave arsimore vendore mbi strategjinë e ndjekur për zhvillimin e mësimit me turne në kushtet kur vendi po përballet me pandeminë covid-19.

Sipas Ramës, mbajtja e shkollave të mbyllura nuk ishte opsion, ndërsa shton se me hapjen e tyre është e pritshme paralelisht edhe rritja e numrit të të infektuarve.

Lexo edhe: Rama mbledhje me drejtuesit e DAR: Të zbatohet me përpikmëri udhëzuesi; sqaron numrin e shkollave me 1-3 turne

“Numrat vetvetiu do rriten, e dimë nga praktikat ndërkombëtare dhe analiza e arsyeshme e faktorëve që nxisin rritjen e numrave. Është një hapje e madhe brenda gjithë hapësirës së hapur në vend që do shtojë numrat, por ka rritje e rritje. Mbi të gjitha, ka rritje që vjen nga mungesa e bërjes së hyzmeteve të nevojshme me pasoja të rënda, ka dhe rritje objektive që vjen nga një përballje të përditshme me këtë armik të padukshëm. Ne duam këtë të dytin se nuk e shmangim dot. Nuk e rrethojmë shkollën me mure të atilla që nuk lejojnë hyrjen e virusit në atë zonë, por nga mënyra si do bëjmë punën do të varët shumë pjesa tjetër, rezultati. Në këtë rast, rezultati nuk është notë, por është shëndeti i fëmijëve.

Mbajtja mbyllur e shkollave nuk ishte opsion, këtë e thotë eksperienca e çdo vendi. Virusi nuk ka ikur dhe s’ka për të ikur deri kur të paktën të dalë një vaksinë e besueshme dhe e pranuar botërisht. Pra në vend që të presim ikjen e virusit me magji, të hyjmë në rrugën e teorive të konspiracionit për mungesën e virusit, duhet të marrim përgjegjësinë.

Shteti e ka bërë detyrën e vet, por budallallëkun njerëzorë secili e lufton vetë, jo shteti. Roli i sistemit bëhet kyç e jetik dhe i vështirë.

Kjo është një ngjarje e madhe që i ndodhi botës, Shqipërisë dhe arsimit. Me këtë ngjarje sistemi duhet të përballet. Ndaj duhet kurajë, durim dhe vullnet i madh”, u shpreh Rama.

Të fundit