Rama sipas Chomsky-t

Zef Zefi

Ku gjendet pushteti i Ramës në raport me 10 strategjitë e filozofit? Autori Noam Chomsky i ka strukturuar këto hipoteza fillimisht në ‘Manufacturing Consent: The Political Economy of the Mass Media’ (1988) së bashku me Edward Herman.

 

1. Strategjia e shpërqendrimit

Është element i hershëm i kontrollit shoqëror që konsiston në shmangien e vëmendjes së publikut nga çështjet e rëndësishme, nga problemet shoqërore serioze, dhe nga ndryshimet e ndërmarra prej elitave ekonomiko-politike, përmes teknikës së përmbytjes me informacione të parëndësishme. Mbajtja e publikut të zënë me problematika dytësore, të parëndësishme, pa i dhënë mundësi të reflektojë. Ndryshe quhet "arma me silenciator, për të vrarë tinëz.."

Vini re: Për qeverinë Ramnjësh dhe 99% e mediave, armiku ishte SHQUP, PD, Saliu, Qeveria paraardhëse, dhe krahasimet bëheshin si PPSh, me vitin 1938. Kanabisi përhapej në gjithë Shqipërinë. Zeri i opozitës përqeshej dhe goditej rëndë deri dhe fizikisht.

2. Strategjia e krijimit të problemeve dhe e ofrimit të zgjidhjeve

Ky mekanizëm quhet ndryshe “problem-reagim-zgjidhje”. Krijohet një problem, një situatë që parashikon prodhimin e një reagimi të publikut, në mënyrë që ky të jetë justifikimi i masave pasuese. Për shembull: indiferenca përballë shpeshtimit të dhunës urbane ose organizmi i atentateve të përgjakshme, për rrjedhojë populli do të kërkojë ligje më të ashpra në favor të sigurisë dhe në kurriz të lirive. Apo sajimi i një krize ekonomike për t’i bërë të pranueshme, si e “keqe e domosdoshme”, reduktimin e shërbimeve publike dhe tkurrjen e të drejtave sociale.

Vini re: Sot RamaDysh' në vitin e gjashtë të pushtetit të pakufizuar, bëhet MESIA i shpëtimit të vendit nga krimi, te cilin Rama e futi në parti për të bërë ri-novimin e PS. Rama i çoi kriminelët në Parlament, në pushtetin vendor, dogana, administratë dhe në gjithë organet ligjzbatuese. Fjala e Ramës mbas deklarateve të Ambasadorit amerikan: "Dua të falënderoj ambasadorin amerikan që më mbështeti mua. Unë kam thënë qe ne duhet të hymë në një fazë të re. Ne jemi në një proces, për të luftuar kundër të fortëve dhe për tu shkuar pas aseteve dhe pasurive kriminele. Metateksti: Shumë mirë që e tha dhe ambasadori amerikan... Ligjërimi diabolik e servil, ngjan sikur përpara se ta merrte fjalën, ky Ambasadori, është konsultuar me Ramën, madje ky ia ka sugjeruar Atij... Ambasadori sytë pas syzeve të të cilit janë ngulur në një pikë të vdekur, hesht. Heshtja e tij diplomatike lexohet nga auditoriumi si aprovim.

3. Strategjia e përshkallëzimit

Për ta bërë të pranueshme një masë të papranueshme mjafton aplikimi gradual, përse jo, për vite me radhë. Në këtë mënyrë u imponuan gjate viteve ’80-‘90 kushte socio-ekonomike të reja, siç është neoliberalizmi: minimizimi i rolit të Shtetit, privatizimi, paqëndrueshmëria e tregut të punës, fleksibiliteti, papunësia masive, pagat (tani Shqipëria është në humnerën që e ka hedhur Rama; "drejtimi i duhur..." apo jo? Retorika e krimit të paralajmëruar, në gojën e ramëballxhafëve "Ne jemi në një proces heroik me "forcën e ligjit" duke kundër të fortëve"...)

4. Strategjia e shtyrjes së zgjidhjes

Parashikon prezantimin e masave si “të dhimbshme por të domosdoshme”. Këto shoqërohen me konsensusin publik, ndërsa hyrja e tyre në fuqi shtyhet në të ardhmen, pasi është më i lehtë pranimi i një sakrifice në të ardhmen se sa në çast. Përveç kësaj, masa ka tendencën e shpresës naive te “ndryshimi pozitiv në të ardhmen”, që sakrifica e kërkuar mund të evitohet. Kjo i jep kohë më shumë publikut për t’u ambientuar me ndryshimin dhe, natyrisht, për t’u dorëzuar përballë sakrificës, si e domosdoshme.

Vini re: Rama'dyshi po punon "...në proçes, në fakt kundër krimit, të Rama'Njësh... Ndërkohë "taot" e tij prozhektorët i drejtojnë nga opozita si pengesë në këtë ndërmarje të zorshme.

5. Strategjia e trajtimit të publikut si fëmijë

Pjesa dërrmuese e reklamave përdor diskutime, argumente, personazhe dhe një intonacion fëmijëror, shpesh herë afër dobësisë, sikur spektatori të ishte foshnje ose i mangët në tru. Sa më shumë që tentohet mashtrimi i spektatorit aq më shumë përdoret toni foshnjarak. Përse? Nëse dikush i drejtohet një personi sikur ky të ishte 12 vjeç, atëherë, në bazë të sugjestionit, personi në fjalë do të përgjigjet ose do të reagojë pa frymën e duhur kritike, sikur të ishte fëmijë. (Mjafton e tepron ekzemplari i "top-sheqerit" të Kryebashkisë. Të lajkaton, po ju gjende afër të prek, nuk ka rëndësi se ku, të jep të drejtë ty, po duke folur vetëm ai, sepse ti popull budallë nuk i kupton disa gjëra. Të qesh të komplimenton veshjen, qenin sidomos fëmijën, madje ta merr nga krahu e duke i prekur byçkat, i tregon atij për lodrat gjigande dhe kullat e paMjaft-ueshme për lumturinë e tij kur të rritet, gjë që babi i tij apo mami, akoma duan kohë për t'i kuptuar. Pastaj babi mami duhet të kthejnë sytë nga monitori ku "top-sheqeri" punon bashkë me popullin duke shfaq në 3-4D veprat e ardhshme.

6. Strategjia e përdorimit të sferës emocionale më shumë se reflektimin

Shfrytëzimi i emocioneve është një teknikë klasike që prodhon qark te shkurtër në analizën racionale dhe kritike të individit. Gjithashtu, ky mjet hap portat e aksesit te pavetëdija, për të rrënjosur ide, dëshira, ndjesi frike, kompulsione dhe sjellje.

Qoftë për paaftësi, qoftë për djallëzi, Rama nuk i drejtohet realitetit, racionalitetit të shifrave, problemit konkret, po e shpëngul problemin në teorizime emocionalo-banale, qe vetëm ngjajnë me realitetin, po nuk janë realiteti. Ate e sheh vetëm Rama dhe populli infantil nuk e kupton dot të diturin e te mirëinfromuarit Rama.

7. Strategjia e izolimi të publikut në injorancë dhe mediokritet

Cilësia e edukimit që i jepet shtresave të ulëta duhet të jetë më e varfra dhe më rëndomta e mundshme, në mënyrë që hendeqet e paditurisë në piramidën sociale të mos mbushen kurrë nga shtresa e ulët.

No koment: mjafton ti hedhësh një sy mediave me çfarë dokrrash mediatike janë marrë, gjatë proçesit të drogifikimit dhe kriminalizimit të qëllimshëm te vendit dhe shtetit të shqiptarve: ... Saliu, opozita, frika e tyre nga reforma në drejtësi. Po bëjmë shtet, Tahiri që duam, Shqipëria që duam. Nderkohë balilat, bilalat, tahirat, xhafajt, frrokat, prengat, gjushat, ermalhoxhët, rroshët, bashkë me 40 bandat merrnin nën kontroll vendin, dhe instalonin tentakulat e tyre në institucionet e larta të shtetit dhe pushtetit në Shqipëri.

8. Strategjia e stimulimit të vetëkënaqësisë dhe mediokritetit

Injoranca, vulgariteti, budallallëku shndërrohen në modë dhe vlerë. Kujtoni për një çast modelin “big brother” ku mund të bëhesh i famshëm, e për rrjedhojë i pasur, i ndjekur, i imituar, i adhuruar, etj., pa nevojën e diturisë, zhvillimit të intelektit, të ndonjë aftësie, talenti apo profesioni, pa nevojën e etikës, edukatës, normave shoqërore të pranuara si normalitet.

Vini re: atletet, brekushet, në evente kombëtare e ndërkombëtare, timonet, tepsiat, Rama-modern, Rama-trendy, Rama-i moth', Rama ia dhiu..., Rama-lider, Rama-patriot, Skënderbe...gjithmonë në qender të shtypit e mediave.

9. Strategjia e nxitjes së vetëfajësimit

Individi edukohet të fajësojë veten për çdo problem: mungesa ose dobësia e inteligjencës, forcës, karakterit, vullnetit, etj., janë disa nga rrugët e vetëfajësimit. Kështu, në vend të rebelimit nga sistemit mbytës ekonomik, ndaj pushteteve të tjera të forta, individi fajëson veten deri në depresion, duke frenuar reagimin.

Vini re, Rama duke folur me tapi-marrësit: "...edhe pse ka votuar Saliun, unë të jap tapinë, me te tjera fjalë edhe pse ke qenë idiot, budalla... tani ja ku jam unë që nuk më ke parë, sepse je dhe qorr...

Vini re: bllokimin e shtetit, pa Gjykatë të Lartë, pa institucione që burojnë nga implementimi i Ndryshimeve Kushtetuese, vini re kontrollin dhe asfiksimin e plotë të shoqatave dhe asosacioneve civile, kontrollin që kërkon të vendosë mbi opozitën e vendit (të arritur deridiku) nëpërmjet "të palumturve..." Shoqëria, qytetarët, madje shumica intelektuale vazhdon të besojë se është shoqëria fajtore, jo inteligjente mjaftueshëm, ndaj e kotë të reagosh. Opozita s'bën, më mirë të shpresojmë se rilindja të ndryshojë mendje vetë...

10. Strategjia e njohjes se individit më mirë sa ç’e njeh individi veten

Zhvillimet e shkencave humane të 50 viteve të fundit i kanë dhënë mundësi elitave dominuese të njohin aftësitë psiko-fizike të individëve, sjelljet e tyre sociale, zgjedhjet racionale, e kështu me radhë. Kjo do të thotë se në shumicën e rasteve sistemi ushtron një kontroll më të madh mbi individin se vetë ky i fundit mbi vetveten. (Këtu qytetari shqiptar ka mundësi të shohë sa i izoluar është nga jeta qytetare, politike dhe ekonomike; nga njëra anë i përdhunuar nga taksimi i rëndë, shpronësimet pa ligj, kriminelët e pandëshkuar me pushtet, në lagje, zonë, rreth apo qark. Pamundësia ekonomike, varfërimi ekstrem pamundësia e sigurisë për shkollimin, për vendin e punës, për bukën e fëmijëve, për jetën apo të ardhmen. Pastaj dorëzimi dhe ikja nga sytë këmbët, duke i lënë fushë të lirë veprimi manifestimit pervers e sadist mbi qytetarët e mbetur prej klikës kriminale, e mafias.